بۇگىنگە دەيىن 1 900-دەن استام اۋىل وكرۋگىندا سايلاۋ ءوتىپ، اكىمدەردىڭ 60 پايىزعا جۋىعى جاڭارعان. بۇل تۋرالى مەملەكەت باسشىسى قاسىم-جومارت توقاەۆ مەملەكەتتىك ناگرادالار مەن سىيلىقتار تاپسىرۋعا ارنالعان سالتاناتتى ءراسىم كەزىندە باياندادى، – دەپ حابارلايدى “ادىرنا” ۇلتتىق پورتالى.
وسىدان تۋرا 1 جىل بۇرىن مەن اۋقىمدى سايلاۋ كەزەڭى باستالاتىنىن ايتقان ەدىم. قىسقا مەرزىم ىشىندە پرەزيدەنت، سەنات پەن ءماجىلىس، بارلىق دەڭگەيدەگى ءماسليحاتتار سايلاۋى كەزەڭ-كەزەڭىمەن ءوتتى. ونىڭ ءبارى جاڭا ءارى ءادىل ەرەجەمەن جۇرگىزىلدى. بۇل سايلاۋلار ازاماتتارىمىزدىڭ ساياسي جانە سايلاۋ مادەنيەتىنىڭ دەڭگەيى وسكەنىن كورسەتتى. اۋىل اكىمدەرىن تىكەلەي سايلاۋدىڭ ەنگىزىلۋى ساياسي رەفورماداعى اسا ماڭىزدى قادامنىڭ ءبىرى بولدى. قازىرگە دەيىن 1 900-دەن استام اۋىل وكرۋگىندا سايلاۋ ءوتتى. اۋىل اكىمدەرىنىڭ 60 پايىزعا جۋىعى جاڭاردى، – دەدى توقاەۆ.
سونىمەن قاتار، ول الداعى ۋاقىتتا اۋدان جانە وبلىستىق ماڭىزى بار قالا اكىمدەرىن دە ازاماتتار تىكەلەي سايلايتىنىن اتاپ ءوتتى.
ازىرگە جاڭا ءتاسىلدىڭ تيىمدىلىگىن بايقاپ كورەمىز. ادام قۇقىعىن قورعاۋ جۇيەسى جەتىلە ءتۇستى. كونستيتۋتسيالىق سوت قايتا قۇرىلدى. ومبۋدسمەندەردىڭ مارتەبەسى كوتەرىلىپ، قۇزىرەتى كەڭەيدى. تۇرمىستىق زورلىق-زومبىلىق جاساعان ادامدارعا جازا كۇشەيتىلدى. قازاقستان الەۋمەتتىك سالادا ايتارلىقتاي تابىسقا قول جەتكىزدى. حالىقتىڭ دەنساۋلىعىن جاقسارتۋ ءۇشىن قوماقتى قارجى ءبولىنىپ جاتىر. ناتيجەسىندە، ازاماتتاردىڭ ورتاشا جاسى 74,4 جاسقا جەتتى. بۇل – ەل تاريحىنداعى رەكوردتىق كورسەتكىش، – دەدى مەملەكەت باسشىسى.
