Taldyqorǧan qalasyndaǧy Nazarbaev Ziiatkerlık mektebı men A&A : IT- SERVICES & EDUCATION jastar qoǧamdyq bırlestıgı arasynda yntymaqtastyq turaly memorandumǧa qol qoiyldy.
Ziiatkerlık mektebınıŋ direktory Viktor Sosin men jastar qoǧamdyq bırlestıgınıŋ direktory Quanyş Kapanovtyŋ kezdesuı NIS qabyrǧasynda öttı.
Memorandumnyŋ maqsaty «Mäŋgılık el» qūndylyǧy jäne «Ruhani jaŋǧyru» baǧdarlamasy negızınde oqytu men tärbienı bırıktıretın bırtūtas bılım beru ürdısın jüzege asyru üşın ūzaqmerzımdı äleumettık jobasy aiasynda taraptar arasynda serıktestık ornatu bolyp tabylady.
Biylǧy jyly «JARYQ» jaŋa äleumettık jobasy ıske qosyldy. Joba boiynşa Ziiatkerlık mektebınıŋ oquşylary Brail şriftın qazaq, orys, aǧylşyn tılderınde üirenuge arnalǧan kömekşı qūrylǧyny qūrastyrudy, zaǧip jandarǧa arnalǧan audiokıtap jazudy (pändık oqulyqtar, ädebi kıtaptar), bılım aluǧa arnalǧan onlain sait aşudy közdep otyr.
Menıŋ oiymşa adam qandai bolsa da, är adamnyŋ özgelermen qatar damyp, baqytty boluyna qūqyǧy bar. Men tek özgelerge şyn nietpen, riiasyz qyzmet etkım keledı. Bızdıŋ mektep oquşylaryna da sony därıptep kömektesudı ūstanamyn. Sondyqtan osy jobany qolǧa alyp, özge de qatysuşylarmen bırge igı ıs atqaruǧa bel budyq, — dep 12-synyp oquşysy jäne "Jaryq" äleumettık jobasynyŋ prezidentı Aigul Maketaeva pıkırın bıldırdı.
