سۋ رەسۋرستارى جانە يرريگاتسيا مينيسترلىگى 2025 جىلعا قاراي 41 اۋىلدىڭ 22 مىڭنان استام تۇرعىنىن ساپالى اۋىز سۋمەن قامتامازىشش ەتۋدى جوسپارلاۋدا. بۇل تۋرالى اتالعان مينيسترلىك مالىمدەدى، دەپ حابارلايدى “ادىرنا” ۇلتتىق پورتالى.
سۋ رەسۋرستارى جانە يرريگاتسيا مينيسترلىگى توپتىق سۋ قۇبىرلارىن سالۋ جانە رەكونسترۋكتسيالاۋ بويىنشا 8 جوبانى ىسكە اسىرۋدى جوسپارلاپ وتىر، ونىڭ شەڭبەرىندە 22 مىڭنان استام ادام تۇراتىن 41 اۋىلدىق ەلدىمەكەندى ساپالى اۋىز سۋمەن قامتاماسىز ەتۋ كوزدەلگەن.
اتالعان ەلدى مەكەندەردىڭ 35-ءى سولتۇستىك قازاقستان وبلىسىندا، 3 – ءى اقمولا وبلىسىندا، 3 – ءى قىزىلوردا وبلىسىندا ورنالاسقان.
2025 جىلعا قاراي 41 اۋىلدىق ەلدىمەكەندى ساپالى اۋىز سۋمەن قامتاماسىز ەتۋ جانە 52 اۋىلدىق ەلدىمەكەندى سۋمەن جابدىقتاۋدى جاقسارتۋ ءۇشىن شامامەن 1200 كم توپتىق سۋ قۇبىرلارىن سالۋ جوسپارلانۋدا، وندا بارلىعى 55 مىڭنان استام ادام تۇرادى،- دەدى قر سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ.
