سەمەيدە وتان قورعاۋشىلار كۇنىنە جانە ۇلى جەڭىس كۇنىنە بايلانىستى 100-دەن استام ءىس-شارا وتەدى. بۇل تۋرالى ءباسپاسوز ءماسليحاتىندا قالا اكىمىنىڭ ورىنباسارى ايدار سادىرباەۆ مالىمدەدى.
- ءبىزدىڭ قالا وتان قورعاۋشىلار كۇنى مەن جەڭىس كۇنىن اتاپ وتۋگە بەلسەندى دايىندىق جۇرگىزىپ جاتىر. وسى كۇندەرى جوسپارلانعان ءىس-شارالار سانى 100-دەن اسادى. مەرەكە ەڭبەك ۇجىمدارىندا، ءبىلىم بەرۋ، دەنساۋلىق ساقتاۋ، الەۋمەتتىك قورعاۋ، سونداي-اق مادەنيەت مەكەمەلەرىندە اتالىپ ءوتىپ، نەگىزگى ءىس - شارالار ورتالىق الاڭدا جانە جەڭىس ساياباعىندا وتەدى، - دەدى ا. سادىرباەۆ.
7 مامىر كۇنى ساعات 11.00-دە قالا كوشەلەرى بويىنشا كاراتەشىلەر مارافونى ۇيىمداستىرىلادى. بۇل اكتسياعا 600 كاراتەشى قاتىسادى دەپ جوسپارلانۋدا. ساعات 16.00-دە ورتالىق الاڭدا "شىعىس" وڭىرلىك اسكەرى جانە قالا جاستارىنىڭ قاتىسۋىمەن "ۆەن بالى" وتەدى .
- 8 مامىردا Streer Workout بويىنشا قالا اكىمىنىڭ كۋبوگى ساراپقا سالىنادى، - دەدى قالالىق ىشكى ساياسات ءبولىمىنىڭ باسشىسى نۇرجان ەسەنجولوۆ. - بۇل سەمەيدە بەلسەندى دامىپ كەلە جاتقان سپورت ءتۇرى. وزدەرىڭىز بىلەتىندەي، قالادا 20-دان استام سپورت الاڭى بار. سوندىقتان وتان قورعاۋشىلار كۇنىنە وراي اتالعان سپورت تۇرىنەن جارىس وتكىزۋدى ءجون كوردىك.
9 مامىر كۇنى ءىس-شارالار ءوز جالعاسىن تاپپاق. ورتالىق الاڭنان جەڭىس ساياباعىنا ءداستۇرلى "ماڭگىلىك پولك" شەرۋى وتەدى. جيىن ساعات 9.00-دە باستالىپ، 10.00-دە ماڭگىلىك الاۋعا گۇل شوقتارىن قويۋ ءراسىمى وتەدى. ساعات 20.00-دە ورتالىق الاڭدا كونتسەرت ءوتىپ، قالا تۇرعىندارى مەرەكەلىك وتشاشۋدى تاماشلايتىن بولادى.
ءباسپاسوز كونفەرەنتسياسىندا نەۆزوروۆتار وتباسى اتىنداعى بەينەلەۋ ونەرى مۇراجايىنىڭ ديرەكتورى تاتيانا سترومسكايا جانە كوركەمدىك ستۋديا جەتەكشىسى ولگا نەۋداچينا جۋرناليستەرگە جاس شاكىرتتەرىنىڭ حالىقارالىق "Global Canvas – 2019" سايىسىندا جۇلدەلى 2 ورىن العانىمەن ءبولىستى. سونىمەن قاتار دوستوەۆسكي اتىنداعى دراما تەاترىنىڭ ديرەكتورى ياكوۆ گورەلنيكوۆ ونەر ۇجىمىنىڭ سانكت-پەتەربۋرگكە ساپارى تۋرالى ايتىپ بەردى . ايتا كەتەيىك، سەمەي اكتەرلەرى تمد جانە بالتىق ەلدەرىنىڭ رەسەيدەگى كەزدەسۋلەر" XXI حالىقارالىق تەاتر فەستيۆالىندە "تاماشا ونەر كورسەتىپ، تەاتر سىنشىلارىنىڭ جوعارى باعاسىنا يە بولدى.
