«مەنىڭ ەلىم – مەنىڭ تۋىم!». استانادا 1000-نان استام تۋ ءىلىندى

1074
Adyrna.kz Telegram
فوتو: Astana news
فوتو: Astana news

ەلوردادا «مەنىڭ ەلىم – مەنىڭ تۋىم!» چەللەندجى اياسىندا قالا تۇرعىندارى 1000-نان استام تۋ ءىلدى. بۇل تۋرالى ەلوردا اكىمدىگىنىڭ رەسمي سايتى جازدى، دەپ حابارلايدى «ادىرنا» ۇلتتىق پورتالى.

رەسپۋبليكا كۇنىن مەرەكەلەۋ قارساڭىندا ەلوردا تۇرعىندارى «مەنىڭ ەلىم – مەنىڭ تۋىم!» چەللەندجىن وتكىزدى. استانانىڭ 5 اۋدانىندا تەرەزەلەر مەن بالكوندارعا جانە كوشە بويىنا 1000-عا جۋىق تۋ ءىلىندى.

«استانا جاستارى» ەرىكتىلەرى مەملەكەتتىك ءرامىزدى دارىپتەۋ بويىنشا العاشقىلاردىڭ ءبىرى بولىپ ۇلكەن اكتسيانى باستادى. Instagram جەلىسىندە ولار قازاقستاندىقتاردى وزدەرىنىڭ تۋمەن تۇسكەن فوتو/ۆيدەولارىن جاريالاۋعا جانە #RepublicDay #رەسپۋبليكاكۇنى #kzdayrepublic حەشتەگىمەن بەلگىلەۋگە شاقىردى.

ەرىكتىلەردىڭ ايتۋىنشا، پاتريوتتىق شارا جىل سايىن وتكىزىلەدى. بۇل تەك بەزەندىرىلگەن ۇيلەردىڭ تۇرعىندارىنىڭ عانا ەمەس، ەلوردا كوشەلەرىمەن ءوتىپ بارا جاتقان ادامداردى دا قۋانىشقا بولەيدى.

استانالىقتار بۇل باستامانى جىلى قابىلداپ، اكتسياعا قوسىلدى.

«مۇنداي كورىنىس ەرەكشە اسەر بەرەدى. جۇمىسقا بارا جاتقاندا وسى كورىنىسكە كوز جۇگىرتىپ، ەرىكسىز كوڭىل كۇيىم كوتەرىلەدى. مەنىڭ ويىمشا، ادامداردى كۇندەلىكتى كۇيبەڭ تىرلىكتەن الشاقتاتىپ، ويىن ءبولۋ كەرەك»، – دەپ ءبولىستى استانا تۇرعىنى تامارا سۋۆورينا.

ايتا كەتەيىك، قالانىڭ ورتالىق كوشەلەرىندە (تاۋەلسىزدىك، ب.مومىشۇلى داڭعىلدارى، سارايشىق، سىعاناق، دوستىق كوشەلەرى، رەسپۋبليكا، ۇلى دالا داڭعىلدارى جانە ت.ب.) جول بويىندا قر تۋلارى ىلىنگەن.

جالپى استانا قالاسى بويىنشا مىڭنان استام تۋ ءىلىندى. اكتسيا جالعاسۋدا.

«ادىرنا» ۇلتتىق پورتالى

پىكىرلەر