استانا – كوكشەتاۋ – پەتروپاۆل رەسپۋبليكالىق ماڭىزى بار اۆتوجولدا ەكى كولىك سوقتىعىستى، دەپ حابارلايدى "ادىرنا" ۇلتتىق پورتالى.
«قازاۆتوجول» ۇلتتىق كومپانياسىنىڭ مالىمەتىنشە، كوكشەتاۋ باعىتىنا قاراي قوزعالعان Toyota Alphard جۇرگىزۋشىسى كولىكتى باسقارا الماي قالىپ، قاۋىپسىز اراقاشىقتىقتى ساقتاماعان. سونىڭ سالدارىنان جول تاڭباسىن سىزۋ جۇمىستارىن سۇيەمەلدەپ كەلە جاتقان «گازەل» كولىگىمەن سوقتىعىسقان.
اپات سالدارىنان بەس ادام زارداپ شەكتى. ولاردىڭ بارلىعى جەدەل جاردەم قىزمەتىمەن بۋراباي اۋداندىق ورتالىق اۋرۋحاناسىنا جەتكىزىلدى.
وقيعا ورنىن تەكسەرۋ بارىسىندا جولدىڭ ءتۇزۋ ەكەنى، اسفالتبەتون جابىنىندا كوزگە كورىنەتىن اقاۋلاردىڭ بولماعانى انىقتالدى. جول-كولىك وقيعاسى بولعان ساتتە اتالعان ۋچاسكەدە «قاجسەرۆيس» كومپانياسىنىڭ قىزمەتكەرلەرى جول تاڭباسىن جاڭارتۋ جۇمىستارىن جۇرگىزىپ جاتقان.
