Türkıstan oblysynda jemqorlyq faktısın habarlaǧan 7 azamatqa 1,6 mln teŋge syiaqy berıldı, dep habarlaidy «Adyrna» ūlttyq portaly
QR Sybailas jemqorlyqqa qarsy ıs-qimyl agenttıgınıŋ Türkıstan oblysy boiynşa departamentınıŋ baspasöz qyzmetınıŋ mälımetınşe, soŋǧy 3 jylda Türkıstan oblysynda jemqorlyq qylmysynyŋ jolyn kesuge järdemdesken 36 tūrǧyn 5,1 mln teŋge syiaqy alǧan. Al biylǧy jyl basynan berı jemqorlyq faktısın habarlaǧan 7 azamatqa 1,6 mln teŋge syiaqy taǧaiyndaldy.
Zaŋ talaptarymen közdelgen syiaqy mölşerı jemqorlyq qūqyq būzuşylyqtyŋ auyrlyǧyna bailanysty tölenedı. Eŋ joǧary syiaqy mölşerı biylǧy jyly 13 mln 800 myŋ teŋgenı qūrap otyr. Syiaqy sottyŋ zaŋdy küşıne engen aiyptau ükımı nemese äkımşılık jaza turaly qaulysy bolǧanda berıledı. Sybailas jemqorlyq faktılerıne tap bolǧan kez kelgen azamat @antikorkz_bot Telegram-boty nemese 1424 nömırı arqyly arqyly habarlai alady, - delıngen Qazaqstan Respublikasy Sybailas jemqorlyqqa qarsy ıs-qimyl agenttıgınıŋ Türkıstan oblysy boiynşa departamentınıŋ baspasöz qyzmetı ūsynǧan aqparatta.
«Adyrna» ūlttyq portaly
