جەمقورلىقپەن جۇيەلى تۇردە كۇرەسپەسە، مەملەكەتتىڭ دەنساۋلىق ساقتاۋ ساياساتى قۇردىمعا كەتەدى. بۇل تۋرالى ءماجىلىس دەپۋتاتى باقىتجان بازاربەك ايتتى، دەپ حابارلايدى “ادىرنا” ۇلتتىق پورتالى.
ول مەديتسينالىق قىزمەتكە تەكسەرىس جۇرگىزىلگەنىن مالىمدەدى.
“ماسەلەن، 2023 جىلى استانا قالاسىنىڭ پروكۋراتۋراسى تەكسەرىس جۇرگىزگەن. ناتيجەسىندە 2500 ادام نەگىزسىز قىزمەت العان، ولاردىڭ اراسىندا مارقۇمدار دا بار. ءىس جۇزىندە ولار اۋىرماعان، ءتىپتى كەيبىرى قايتىس بولىپ كەتكەن. كەيبىرى استانا قالاسىندا تۇرمايدى. الايدا ولار مەديتسينالىق قىزمەت الىپ جۇرگەن. سالدارىنان بيۋدجەتكە جۇزدەگەن ملن تەڭگە شىعىن كەلتىرىلگەن. ولار تارتىپتىك جاۋاپكەرشىلىككە تارتىلادى. قىلمىستىق ءىس قايدا؟ ءسىز ايتقان قىلمىستىق ىستەر قايدا؟ مۇندا مەملەكەت قارجىسى جىمقىرىلدى. سوندىقتان قىلمىستىق ءىس قوزعاۋ كەرەك”، - دەدى دەپۋتات ماجىلىستەگى ۇكىمەت ساعاتىندا.
