قىرعىزستاننىڭ ىستىقاتا اۋدانىندا كامەلەتكە تولماعان قىزعا نەكە وقىعان يمام قامالدى، دەپ حابارلايدى «ادىرنا» ءتىلشىسى vesti.kg-عا سىلتەمە جاساپ.
ىستىقاتا اۋداندىق بالالار مەن جاسوسپىرىمدەر ءىسى جونىندەگى باسقارمانىڭ بالالار ينسپەكتسياسىنىڭ قىزمەتكەرلەرى 52 جاستاعى يمامنىڭ ۇستالعانىن مالىمدەدى. ول 21 جاستاعى ەر ادام مەن 15 جاستاعى قىز بالانىڭ نەكەسىن قيعان.
اتالعان فاكتى بويىنشا قىرعىزستان رەسپۋبليكاسىنىڭ قىلمىستىق كودەكسىنىڭ 175-بابى ء(دىني راسىمدەردى ورىنداۋ كەزىندە نەكە جاسىن بەلگىلەۋ تۋرالى زاڭنامانى بۇزۋ) بويىنشا قىلمىستىق ءىس قوزعالدى. تەرگەۋ جۇمىستارى ءجۇرىپ جاتىر.
