Almatyda qala mańyna qatynaıtyn jańa baǵyt ashylady. Bul týraly qalalyq ákimdiktiń baspasóz qyzmeti málimdedi, dep habarlaıdy «Adyrna» ulttyq portaly.
Bıyl 20 qazannan bastap 12 jyljymaly birlik jelisinde qala mańyna qatynaıtyn «Tóle bı - Iassaýı burylý alańy – Qarǵaly kenti» syzbasy boıynsha júretin №236 baǵyt ashylady ári kóliktiń qozǵalys ıntervaly 17 mınýt bolady.
Jolaýshylar men júkti avtomobıl kóligimen tasymaldaý Erejelerine sáıkes qyzmet kórsetý «NEO city TRANS» JShS tasymaldaýshyǵa berildi. Osy baǵyt boıynsha jolaýshylardy tasymaldaý ISUZU HC-40 markaly avtobýstar júrgizetin bolady.
Eske salsaq, Almaty aglomeraııasyn damytý aıasynda Almatynyń qalalyq mobıldilik basqarmasy 2023 jyly 25 eldi mekendi qamtıtyn jańa qala mańyndaǵy baǵyttardy uıymdastyrýdy josparlaýda. Buǵan deıin 3 baǵyt iske qosylǵan, olar: №223 «Saıahat-Nura jáne Týǵanbaı aýyldary», №233 «Qaraoı – Saıahat aýyly», № 240 «Batyr aýyly – «Adem-1» SÚ, Soltústik aınalma kóshesi, qalǵan baǵyttar ázirlenip jatyr.
Odan bólek, Almaty jáne Almaty aglomeraııasyn damytý josparyna sáıkes 2024 jyldyń sońyna deıin 20 jańa qala mańyndaǵy baǵyttardy uıymdastyrý josparlanyp otyr, olardyń esebinen 50 eldi meken qamtamasyz etiledi.
«Adyrna» ulttyq portaly
