سولتۇستىك قازاقستان وبلىسىندا اكىمدىكتىڭ بۇرىنعى قىزمەتكەرلەرى مەملەكەت بيۋدجەتتەن اقشا جىمقىرعان، دەپ حابارلايدى «ادىرنا» ءتىلشىسى.
«پەتروپاۆل قالالىق سوتى پروكۋراتۋرانىڭ پىكىرىمەن كەلىسە وتىرىپ، ولاردى 6,6 جىلدان 6,8 جىلعا دەيىنگى مەرزىمگە ناقتى باس بوستاندىعىنان ايىرۋعا سوتتاپ، ولاردان كەلتىرىلگەن ماتەريالدىق شىعىندى ءوندىرىپ الدى. ۇكىم زاڭدى كۇشىنە ەندى»،—دەلىنگەن حابارلامادا.
سولتۇستىك قازاقستان وبلىسىنىڭ پروكۋراتۋراسى تەكسەرگەن ءىس بارىسىندا مەملەكەتتىك ايىپتاۋ ءۇش ازاماتتىڭ مەملەكەتكە 46 ملن تەڭگەدەن استام شىعىن كەلتىرگەنىن دالەلدەدى. ولار الداۋ جانە سەنىمگە قيانات جاساۋ ارقىلى مۇلىكتى يەمدەنگەن.
«سوتتا بۇلتارتپاس ايعاقتاردىڭ بولۋىنا قاراماستان، ءۇش ايىپتالۋشى جاساعان قىلمىستارى بويىنشا ءوز كىنالارىن مويىنداماي، جاساعان قىلمىسىنا وكىنگەن جوق. وسىعان قاراماستان، مەملەكەتتىك ايىپتاۋ تاراپتار «K»، «T»، «د» الداۋ جانە سەنىمگە قيانات جاساۋ ارقىلى مەملەكەتكە 46 ملن تەڭگەدەن استام شىعىن كەلتىرىپ، مۇلىكتى ۇرلاعانىن دالەلدەدى»،—دەپ تولىقتىردى وبلىستىق پروكۋراتۋرانىڭ ءباسپاسوز قىزمەتى.
