سوت ۇكىمىمەن 40 ساعات قوعامدىق جۇمىسقا تارتىلعان ءانشى تورەعالي تورەالى الماتى قالاسىنداعى ساياباقتاردىڭ بىرىندە جۇمىس ىستەپ ءجۇر، دەپ حابارلايدى «ادىرنا» ۇلتتىق پورتالى.
قازاقستاندىق ءانشى الەۋمەتتىك جەلىدەگى پاراقشاسىنا ۆيدەو جۇكتەپ، ءار ادام زاڭعا باعىنۋعا مىندەتتى ەكەنىن ايتتى.
«سوت ۇكىمى بويىنشا مەن 40 ساعات قوعامدىق جۇمىسقا تارتىلدىم. تۇسكە دەيىن ساياباقتى تازالادىق. بۇل – مەنىڭ تاۋەلسىز قازاقستانىم، وتانىم، ەلىم، جەرىم. البەتتە، ءانۇرانى بار، كوك تۋى بار ەلدىڭ مىندەتتى تۇردە زاڭى بولادى. ول زاڭعا باعىنۋىمىز كەرەك. ۇلى دالا بالاسى، ۇلى دالاسىن سىپىرىپ، تازالاپ جاتىر»، – دەدى تورەعالي تورەالى.
ەسكە سالا كەتەيىك، 14 ماۋسىم كۇنى الماتىدا ەسىرتكىگە ەلىتكەن ت.تورەالى پوليتسەيلەرگە بوي بەرمەي، وقيعاعا ورنىنان قاشپاق بولعان ەدى. پاترۋلدىك پوليتسەيلەر ءانشىنى ۇستاپ، مەديتسينالىق ساراپتاما ناتيجەسىندە ونىڭ ەسىرتكى قابىلداعانى راستالدى. سول كۇنى تورەالى اكىمشىلىك جاۋاپقا تارتىلدى. ول 20 تاۋلىككە قاماۋعا الىنىپ، 7 جىلعا كولىك جۇرگىزۋ قۇقىعىنان ايىرىلعان بولاتىن
ال 22 قىركۇيەك كۇنى الماتى قالاسىنىڭ تۇركسىب اۋداندىق سوتى ءانشىنى ەكىنشى قۇقىقبۇزۋشىلىق بويىنشا جازاعا تارتتى. وعان 40 ساعاتقا دەيىن قوعامدىق جۇمىستارعا تارتۋ تۇرىندەگى جازا تاعايىندالعانىن جازعان ەدىك.
پوسموترەت ەتۋ پۋبليكاتسيۋ ۆ Instagram
«ادىرنا» ۇلتتىق پورتالى
