2023 جىلى 12 قازاندا قر ۇلتتىق كىتاپحاناسىندا ر.ب. سۇلەيمەنوۆ اتىنداعى شىعىستانۋ ينستيتۋتىنىڭ باس ديرەكتورى، كورنەكتى قىتايتانۋشى عالىم، بەلگىلى اقىن، اۋدارماشى، ۇلاعاتتى ۇستاز، قوعام قايراتكەرى، فيلولوگيا عىلىمدارىنىڭ دوكتورى، پروفەسسور دۇكەن ءماسىمحانۇلىنىڭ تۋعانىنا 60 جىل تولۋىنا وراي «قازاقستان جانە شىعىس ەلدەرى: تاريحي-مادەني ءھام ساياسي ىنتىماقتاستىقتىڭ جاڭا قىرلارى» اتتى حالىقارالىق عىلىمي-تاجىريبەلىك كونفەرەنتسياسى ءوتتى، دەپ حابارلايدى «ادىرنا» ۇلتتىق پورتالى.
جيىندى قر عجبم عك ش.ش. ءۋاليحانوۆ اتىنداعى تاريح جانە ەتنولوگيا ينستيتۋتىنىڭ باس ديرەكتورى، قر ۇعا كوررەسپوندەنت – مۇشەسى، تاريح عىلىمدارىنىڭ دوكتورى، پروفەسسور قابىلدينوۆ زيابەك ەرمۇحانۇلى جۇرگىزدى.
القالى باس قوسۋدا قازاقستان رەسپۋبليكاسى پرەزيدەنتىنىڭ كەڭەسشىسى وتارباەۆ مالىك نۇرجانۇلى مەملەكەت باسشىسى قاسىم-جومارت كەمەلۇلى توقاەۆتىڭ قۇتتىقتاۋ حاتىن تابىستادى. ارى قاراي قر پارلامەنتى سەناتىنىڭ توراعاسى م.س.اشىمباەۆتىڭ قۇتتىقتاۋى وقىلدى. قر مەملەكەتتىك كەڭەسشىسى ە.ت. قاريننىڭ جانە قر عىلىم جانە جوعارى ءبىلىم ءمينيسترى س. نۇربەكتىڭ قۇتتىقتاۋ سوزدەرىن استانادان ارنايى كەلگەن قر عىلىم جانە جوعارى ءبىلىم ۆيتسە-ءمينيسترى ەشەنقۇلوۆ تالعات يلياسۇلى جەتكىزدى. بۇدان بولەك، جەتىسۋ وبلىسىنىڭ اكىمى يساباەۆ بەيبىت وكسىكبايۇلىنىڭ قۇتتىقتاۋىن «جەتىسۋ» گازەتىنىڭ باس رەداكتورى، اقىن جۇماتاي وسپانۇلى، الماتى قالاسى اكىمنىڭ ورىنباسارى قىرىقباەۆ ارمان ورازبايۇلىنىڭ قۇتتىقتاۋىن الماتى قالالىق مادەنيەت باسقارماسىنىڭ باسشىسى مايلىباەۆ عاني ايدارۇلى تاپسىردى.
اتالعان شارادا تۇركى مادەنيەتىن جانە ونەرىن دامىتۋ حالىقارالىق ۇيىمى، تۇركسوي-دىڭ باس حاتشىسى، كورنەكتى قىرعىز جازۋشىسى راەۆ سۇلتان اكىمۇلى مەن قازاقستان جازۋشىلار وداعى باسقارماسىنىڭ توراعاسى م.ءا. قۇلكەنوۆتىڭ اتىنان قازاقستان جازۋشىلار وداعى باسقارماسى توراعاسىنىڭ ءبىرىنشى ورىنباسارى، جازۋشى نۇرجان قۋانتايۇلى قۇتتىقتاپ، تۇركى الەمىنىڭ مادەنيەتى مەن ونەرىنە قوسقان ۇلەسى ءۇشىن «تۇركسوي» مەدالىمەن دۇكەن ءماسىمحانۇلىن ماراپاتتادى.
سونىمەن قاتار 20 جىلداي ۇستازدىق قىزمەت جانە كافەدرا مەڭگەرۋشىسى، ينستيتۋت ديرەكتورى قىزمەتتەرىن اتقارعان ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ رەكتورى، اكادەميك سىدىقوۆ ەرلان ءباتتاشۇلىنىڭ قۇتتىقتاۋى مەن مەرەيتوي يەسىنە بەرىلگەن ەۇۋ-دەگى عىلىم مەن ءبىلىمنىڭ دامۋىنا قوسقان ايىرىقشا ۇلەسى ءۇشىن «كۇلتەگىن» مەدالىن اتالعان وقۋ ورىنى حالىقارالىق قاتىناستار فاكۋلتەتىنىڭ دەكانى قوسۋباەۆ ميراس ماحمەدۋنۇلى تابىستادى.
دۇكەن ءماسىمحانۇلى 1993 جىلى كوكتەمدە ءال-فارابي اتىنداعى قازۇۋ-ءنىڭ ارنايى شاقىرۋىمەن قازاقستانعا ورالىپ، ححع. 90-شى جىلداردا اتالعان وقۋ ورىنىنىڭ شىعىستانۋ فاكۋلتەتىندە 10 جىل ۇستازدىق قىزمەت ەتىپ، 2-3 جىل قىتايتانۋ كافەدراسىنىڭ مەڭگەرۋشىسى قىزمەتىن اتقارعان. وسى تۇستا كونفەرەنتسياعا اتالعان وقۋ ورنىنىڭ رەكتورى، اكادەميك جانسەيىت قانسەيىتۇلى تۇيمەباەۆتىڭ قۇتتىقتاۋىن تاريح فاكۋلتەتىنىڭ دەكانى، پروفەسسور بايعوناقوۆ دوسبول سۇلەيمەنۇلى جەتكىزدى. جيىنعا شىعىستانۋ فاكۋلتەتىنىڭ دەكانى، پروفەسسور ەم ناتاليا بوريسوۆنا باستاعان ۇلكەن دەلەگاتسيا كەلدى. قازۇۋ دەلەگاتسياسىنىڭ قۇرامىندا اقىن، مەملەكەتتىك سىيلىقتىڭ لاۋرەاتى، جۋرناليست-اكادەميك، رەكتوردىڭ باس كەڭەسشىسى وتەگەن ورالبايۇلى، عىلىمي زەرتتەۋ ورتالىقتارىنان اكادەميك كارىباەۆ بەرەكەت باقىتجانۇلى، پروفەسسور كيم گەرمان نيكولاەۆيچ، پروفەسسور يسلام جەمەنەي، پروفەسسور ءنابيجان مۇحامەتحانۇلى، پروفەسسور ەركىنبەك شوقان بار.
بۇدان بولەك قر پرەزيدەنتى جانىنداعى ۇعا پرەزيدەنتى كۇنسۇلۋ دالتونقىزى زاكاريانىڭ قۇتتىقتاۋىن قر ۇعا-نىڭ قۇرمەتتى اكادەميگى، PhD ءبىلالوۆ دارحان نۇرلانۇلى; ابىلاي حان اتىنداعى قازحقجاتۋ-ءنىڭ رەكتورى، اكادەميك ءساليما ساعيقىزى كۇنانباەۆانىڭ قۇتتىقتاۋىن سول وقۋ ورنى شىعىستانۋ فاكۋلتەتىنىڭ دەكانى، پروفەسسور قاعازباەۆا ەلميرا ماراتقىزى; قر ۇلتتىق مەملەكەتتىك كىتاپ پالاتاسىنىڭ ديرەكتورى ءادىل قاجەنبايۇلىنىڭ اتىنان، اقىن مارالتاي رايىمبەكۇلى جالعاستىردى.
ودان كەيىن رف ورال فەدەرالدىق ۋنيۆەرسيتەتى باسشىلىعىنىڭ اتىنان پروفەسسور زاپاري يۋليا ۆلاديميروۆنا; قر «وتانداستار قورىنىڭ» پرەزيدەنتى ابزال ساپاربەكۇلىنىڭ اتىنان قالىبەك قوبىلاندين، سونداي-اق كورشىلەس جانە ارىپتەس مەكەمەلەردىڭ باسشىلارىنان – قازاق-تۇرىك ەۋرازيالىق زەرتتەۋلەر ينستيتۋتىنىڭ ديرەكتورى، پروفەسسور سۋات بەيلۋر; قازاق-Tۇرىك حالىقارالىق اكادەمياسىنىڭ رەكتورى دوكتور، پروفەسسور حيزمەتلي سابري; فيلوسوفيا، ساياساتتانۋ جانە ءدىنتانۋ ينستيتۋتىنىڭ باس ديرەكتورى، قر ۇعا اكادەميگى سەيدۋمانوۆ سەرىك تۇرارۇلى; ەكونوميكا ينستيتۋتىنىڭ باس ديرەكتورى، قر ۇعا اكادەميگى ساتىبالدين ءازىمحان ابىلقايىرۇلى; م.و. اۋەزوۆ اتىنداعى ادەبيەت جانە ونەر ينستيتۋتىنىڭ باس ديرەكتورى، قر ۇعا كوررەسپوندەنت-مۇشەسى ماتىجانوۆ كەنجەحان ءىسلامجانۇلىنىڭ اتىنان ينستيتۋتتىڭ باس عىلىمي قىزمەتكەرى، فيلول.ع.د. وردا گۇلجاھان; ش.ش. ءۋاليحانوۆ اتىنداعى تاريح جانە ەتنولوگيا ينستيتۋتىنىڭ ديرەكتورى، قر ۇعا كوررەسپوندەنت-مۇشەسى قابىلدينوۆ زيابەك ەرمۇحانۇلى; ا.بايتۇرسىنۇلى اتىنداعى ءتىل ءبىلىمى ينستيتۋتىنىڭ ديرەكتورى، پروفەسسور فازىلجان انار مۇراتقىزى; قر پرەزيدەنتى جانىنداعى قازاقستاننىڭ ستراتەگيالىق زەرتتەۋلەر ينستيتۋتى ديرەكتورى تۇقىموۆ ەركىن ۆاليتحانۇلى اتىنان، باس عىلىمي قىزمەتكەر، ساياسي عىلىمدارىنىڭ دوكتورى سەيلەحانوۆ ەربولات تۇرانۇلى جالعاستىردى.
سونداي-اق قر قىتايداعى توتەنشە جانە وكىلەتتى ەلشىسى نۇرىشەۆ شاحرات شاكيزاتۇلىنان، شانحاي ىنتىماقتاستىق ۇيىمى حاتشىلىعىنىڭ باس حاتشىسى چجان مين مىرزادان، قازاقستان رەسپۋبليكاسى پارلامەنتى سەناتىنىڭ دەپۋتاتى جورگەنباەۆ جانبولات اكەبايۇلىنان، ءال-فارابي اتىنداعى قازاق ۇلتتىق ۋنيۆەرسيتەتى جانىنداعى اباي عىلىمي-زەرتتەۋ ينستيتۋتىنىڭ ديرەكتورى، فيلول.ع.د.، پروفەسسور دادەباەۆ جانعارا دادەبايۇلىنان قۇتتىقتاۋلارى كەلىپ ءتۇستى.
جيىن بارىسىندا ونلاين جانە وفلاين فورماتتا يران يسلام رەسپۋبليكاسىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى ءالي اكبار دجوۋكار، قىرعىز رەسپۋبليكاسىنىڭ قازاقستانداعى توتەنشە جانە وكىلەتتى ەلشىسىنىڭ اتىنان ءبىرىنشى حاتشىسى يسمايلوۆا چولپون نۇربەكقىزى، قىتاي حالىق رەسپۋبليكاسىنىڭ الماتى قالاسىنداعى باس كونسۋلى تسزيان ۆەي، ۆەنگريانىڭ قازاقستان رەسپۋبليكاسىنداعى توتەنشە جانە وكىلەتتى ەلشىسىنىڭ اتىنان ۆەنگريانىڭ الماتى قالاسىنداعى باس كونسۋلى فەرەنتس بلاۋمان، ءازىربايجان رەسپۋبليكاسى ەلشىلىگىنىڭ الماتى قالاسىنداعى وكىلدىگىنىڭ جەتەكشىسى، كەڭەسشى انار نادير وگلى گۋسەينزادە جانە قىرعىزستان وش مەملەكەتتىك ۋنيۆەرسيتەتىنىڭ رەكتورى، پروفەسسور قوجوبەكوۆ قۇدايبەردى گالياكپارۇلى قۇتتىقتاۋىن جەتكىزدى.
شارا سوڭىندا دۇكەن ءماسىمحانۇلىنىڭ «شىعىس الەمى: اڭىز بەن شىندىق» زەرتتەۋلەر جيناعى; «قىتاي قالامگەرلەرىنىڭ تاڭدامالى شىعارمالارى» اتتى 5 تومدىق كوركەم اۋدارمالار جيناعىنىڭ جانە «جۇرەگىمنىڭ جۇمباعى» جىر جيناعىنىڭ، «ۇلت پەن رۋح» عىلىمي زەرتتەۋلەر، ادەبي پورترەتتەر جيناعىنىڭ، «عالىم. ۇستاز. اقىن. اۋدارماشى. ازامات» اتتى د. ءماسىمحانۇلى تۋرالى جيناقتىڭ; «د. ءماسىمحانۇلى شىعارمالارىنىڭ بيبليوگرافيالىق كورسەتكىشى» ەڭبەكتەرىنىڭ تۇساۋكەسەر ءراسىمى ءوتتى.
«ادىرنا» ۇلتتىق پورتالى
