قازاقستاندا ەلەكتر ەنەرگياسىنا بۇرىن بەكىتىلگەن شەكتى تاريفتەرگە تاعى دا وزگەرىستەر ەنگىزىلۋدە، دەپ حابارلايدى «ادىرنا» ۇلتتىق پورتالى Stan.kz سايتىنا سىلتەمە جاساپ.
2023 جىلدىڭ 1 قازانىنان باستاپ ەلەكتر ەنەرگياسىن ءوندىرۋ تاريفتەرى كوتەرىلەدى:
- ءبىرىنشى توپ (ب.نۇرجانوۆ اتىنداعى ەكىباستۇز گرەس-1) – كۆت/ساع ءۇشىن 5,90 تەڭگەدەن 7,32 تەڭگەگە دەيىن;
- ءۇشىنشى توپ (ەكىباستۇز گرەس-2 ستانتسياسى) – كۆت/ساع ءۇشىن 8,59 تەڭگەدەن 11,20 تەڭگەگە دەيىن;
- التىنشى توپ (قاراعاندى ەنەرگەتيكالىق ورتالىعى) – كۆت/ساع ءۇشىن 9,86 تەڭگەدەن 12,64 تەڭگەگە دەيىن;
- توعىزىنشى توپ («استانا-ەنەرگيا» اق) – كۆت/ساع ءۇشىن 7,19 تەڭگەدەن 8,49 تەڭگەگە دەيىن;
- 14-توپ (ريددەر جەو) – كۆت/ساع ءۇشىن 13,93 تەڭگەدەن 16,37 تەڭگەگە دەيىن;
- 18-توپ ستەپنوگور جەو) – كۆت/ساع ءۇشىن 12,12-دەن 16,46 تەڭگەگە دەيىن;
- 26-توپ («الماتى ەلەكتر ستانتسيالارى» جەو-1,2,3 قاپشاعاي گەس، كاسكاد گەس) كۆت/ساع 11,19-دان 14,02-گە دەيىن;
- 33-توپ ء(شۇلبى سەس-ءى) – كۆت/ساع ءۇشىن 3,30-دان 3,67 تەڭگەگە دەيىن;
- 41-توپ (تارازەنەرگوورتالىق) – كۆت/ساع 8,53-تەن 12,15 تەڭگەگە دەيىن.
ەلىمىزدىڭ وڭىرلەرىندەگى ەنەرگيا ءوندىرۋشى كومپانيالاردىڭ 50 توبىندا باعا ايتارلىقتاي ءوستى. بۇل رەتتە تاريفتەر تەك 16 توپتا عانا وزگەرىسسىز قالادى. ۇسىنىلعان تاريفتەر دە 2024 جانە 2025 جىلدارعا ەسەپتەلگەن.
مينيسترلىك ءتاريفتى تۇزەتۋ ەنەرگيا ءوندىرۋشى ۇيىمداردان تاۋەلسىز ەلەكتر ەنەرگياسىن وندىرۋگە ارنالعان نەگىزگى شىعىنداردىڭ، اتاپ ايتقاندا، وتىنعا، ەڭبەكاقىعا جانە شيكىزاتقا شىعىنداردىڭ وسۋىنە بايلانىستى دەپ ءتۇسىندىردى.
ورتاشا العاندا وتىن قۇرامداس بولىگىنىڭ، اتاپ ايتقاندا تاۋارلىق گازدىڭ قۇنىنىڭ ءوسۋى ەكى توپ بويىنشا سايكەسىنشە 17,4% جانە 20,6% قۇرادى.
بۇيرىق 1 قاراشادا كۇشىنە ەنەدى دەپ كۇتىلۋدە، بىراق تاريفتەر 2023 جىلدىڭ 1 قازانىنان باستاپ وزگەرەدى.
قۇجات 31 قازانعا دەيىن قوعامدىق تالقىلاۋ ءۇشىن «اشىق قۇقىقتىق رەگلامەن» سايتىندا ورنالاستىرىلعان. مۇندا باسقا ەنەرگيا ءوندىرۋشى كومپانيالاردىڭ تاريفتەرىنىڭ قالاي وزگەرەتىنىن كورۋگە بولادى.
«ادىرنا» ۇلتتىق پورتالى
