Qazaqstanda elektr energııasyna buryn bekitilgen shekti tarıfterge taǵy da ózgerister engizilýde, dep habarlaıdy «Adyrna» ulttyq portaly Stan.kz saıtyna silteme jasap.
2023 jyldyń 1 qazanynan bastap elektr energııasyn óndirý tarıfteri kóteriledi:
- birinshi top (B.Nurjanov atyndaǵy Ekibastuz GRES-1) – kVt/saǵ úshin 5,90 teńgeden 7,32 teńgege deıin;
- úshinshi top (Ekibastuz GRES-2 stanııasy) – kVt/saǵ úshin 8,59 teńgeden 11,20 teńgege deıin;
- altynshy top (Qaraǵandy energetıkalyq ortalyǵy) – kVt/saǵ úshin 9,86 teńgeden 12,64 teńgege deıin;
- toǵyzynshy top («Astana-Energııa» AQ) – kVt/saǵ úshin 7,19 teńgeden 8,49 teńgege deıin;
- 14-top (Rıdder JEO) – kVt/saǵ úshin 13,93 teńgeden 16,37 teńgege deıin;
- 18-top Stepnogor JEO) – kVt/saǵ úshin 12,12-den 16,46 teńgege deıin;
- 26-top («Almaty elektr stanııalary» JEO-1,2,3 Qapshaǵaı GES, Kaskad GES) kVt/saǵ 11,19-dan 14,02-ge deıin;
- 33-top (Shúlbi SES-i) – kVt/saǵ úshin 3,30-dan 3,67 teńgege deıin;
- 41-top (Tarazenergoortalyq) – kVt/saǵ 8,53-ten 12,15 teńgege deıin.
Elimizdiń óńirlerindegi energııa óndirýshi kompanııalardyń 50 tobynda baǵa aıtarlyqtaı ósti. Bul rette tarıfter tek 16 topta ǵana ózgerissiz qalady. Usynylǵan tarıfter de 2024 jáne 2025 jyldarǵa eseptelgen.
Mınıstrlik tarıfti túzetý energııa óndirýshi uıymdardan táýelsiz elektr energııasyn óndirýge arnalǵan negizgi shyǵyndardyń, atap aıtqanda, otynǵa, eńbekaqyǵa jáne shıkizatqa shyǵyndardyń ósýine baılanysty dep túsindirdi.
Ortasha alǵanda otyn quramdas bóliginiń, atap aıtqanda taýarlyq gazdyń qunynyń ósýi eki top boıynsha sáıkesinshe 17,4% jáne 20,6% qurady.
Buıryq 1 qarashada kúshine enedi dep kútilýde, biraq tarıfter 2023 jyldyń 1 qazanynan bastap ózgeredi.
Qujat 31 qazanǵa deıin qoǵamdyq talqylaý úshin «Ashyq quqyqtyq reglamen» saıtynda ornalastyrylǵan. Munda basqa energııa óndirýshi kompanııalardyń tarıfteriniń qalaı ózgeretinin kórýge bolady.
«Adyrna» ulttyq portaly
