داريعا نازارباەۆانىڭ ەكس-قۇداسى قايرات بورانباەۆ اقمولا وبلىسىنداعى قاۋىپسىزدىگى ورتاشا كولونياعا اۋىستىرىلدى. بۇل تۋرالى قىلمىستىق-اتقارۋ جۇيەسى كوميتەتى ايتتى، دەپ حابارلايدى «ادىرنا» ءتىلشىسى.
«اتالعان ازامات جازاسىن وتەۋ ءۇشىن 11 قازاندا ەتس-166/1 مەكەمەسىنەن 12 قازاندا اقمولا وبلىسى بويىنشا قىلمىستىق-اتقارۋ جۇيەسى دەپارتامەنتىنىڭ №7 قاۋىپسىزدىگى ورتاشا مەكەمەسىنە (گرانيتنىي اۋىلىنداعى) اۋىستىرىلدى»،—دەلىنگەن حابارلامادا.
ەسكە سالايىق، 2023 جىلدىڭ 15 قىركۇيەگىندە استانانىڭ قىلمىستىق ىستەر جونىندەگى سوت القاسى قايرات بورانباەۆتى 6 جىلعا باس بوستاندىعىنان ايىردى. ول “قىلمىستىق قۇقىق بۇزۋشىلىققا سىبايلاس قاتىسۋشىلاردىڭ تۇرلەرi" (28-باپ، 5-بولىك،), "سەنiپ تاپسىرىلعان بوتەن مۇلiكتi يەمدەنۋ" (189-باپ 4-بولىك 2-پۋنكت) جانە "قىلمىستىق جولمەن الىنعان اقشانى زاڭداستىرۋ" (218-باپ 3-بولىك) باپتارى بويىنشا كىنالى دەپ تانىلدى.
