بيزنەسمەن قايرات بورانباەۆ مەملەكەتكە 120 ميلليارد تەڭگەنىڭ مۇلكىن ءوز ەركىمەن قايتاردى، دەپ حابارلايدى "ادىرنا" پورتالى قارجى مونيتورينگى اگەنتتىگىنىڭ (قما) ءباسپاسوز قىزمەتىنە سىلتەپ.
«قما قىلمىستىق مۇلىكتى زاڭداستىرۋعا قاتىستى قايرات بورانباەۆتى سوتقا دەيىنگى تەرگەۋدى جالعاستىرۋدا. تەرگەۋ اياسىندا مۇناي كاسىپشىلىگىن، گاز تاراتۋ كومپانياسىن، قىزمەت كورسەتۋ كاسىپورنىن، قوناق ءۇي جانە ساۋدا ويىن-ساۋىق كەشەندەرىن، فيتنەس-ساۋىقتىرۋ ورتالىقتارى جەلىسىن، كەڭسەنى قوسا العاندا، جالپى قۇنى 90 ملرد تەڭگەدەن اساتىن مۇلىكتى مەملەكەت مەنشىگىنە ءوز ەركىمەن قايتارۋ شارالارى قابىلداندى. سونداي-اق بورانباەۆ ءبىلىم
بەرۋ ينفراقۇرىلىمىن قولداۋ قورىنا 30 ملرد تەڭگە اۋداردى»، - دەلىنگەن بەيسەنبى كۇنى تاراتقان حابارلامادا.
باسقارمادا اتاپ وتكەندەي، بۇل نىسانداردىڭ بارلىعى مەملەكەتتىك ورگاندار مەن كومپانيالاردىڭ بالانسىنا بەرىلىپ، قارجى ءبىلىم بەرۋ ينفراقۇرىلىمىن دامىتۋعا باعىتتالادى.
«بۇعان دەيىن تابيعي گازدى اكەلۋ كەزىندە قاراجات ۇرلاۋ فاكتىسى بويىنشا جۇرگىزىلگەن تەرگەۋ اياسىندا بورانباەۆقا 14,5 ملرد تەڭگە كولەمىندە ماتەريالدىق شىعىن وتەلگەن. اگەنتتىك اكتيۆتەردى ىزدەۋ جانە قايتارۋ بويىنشا جۇمىستى جالعاستىرۋدا»، - دەپ قوستى قما.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز