Reseı prezıdenti Vladımır Pýtın halyqaralyq qylmystyq sot izdeý jarııalaǵaly beri alǵashqy sheteldik saparyn jasady. Ol Qyrǵyzstanǵa kelip, Qyrǵyzstan basshysy Sadyr Japarovpen kelissózder júrgizip, Kanttaǵy Reseı áýe bazasynyń 20 jyldyǵyna arnalǵan merekelik sharalarǵa qatysty. Bul týraly Euronews jarııalady, dep habarlaıdy “Adyrna” ulttyq portaly.
Kreml sapardyń negizgi taqyryptarynyń ekijaqty yntymaqtastyqty nyǵaıtý ekenin aıtty. Memleket basshylary kelissózder dostyq jaǵdaıda ótkenin atap ótti.
Qyrǵyzstan 1998 jyly Halyqaralyq qylmystyq sot qurý týraly Rım statýtyna qol qoıǵanyna qaramastan, Vladımır Pýtın ýkraınalyq balalardy áketý isi boıynsha qamaýǵa alýdan qoryqpaǵan. Ótken jyly ǵana Qyrǵyzstan prezıdenti Rım statýtyn ratıfıkaııalaýǵa buıryq bergenimen, zań jobasy áli parlamentte qaralǵan joq.
Buǵan deıin Armenııada Rım statýtyn ratıfıkaııalaý Máskeýdiń narazylyǵyn týdyrǵan bolatyn. Kreml bul qadamdy «durys emes» dep atap, Armenııa basshylyǵyna qosymsha suraqtar týyndaǵanyn aıtty.
