وبلىس اكىمى دارحان امەنگەلدىۇلىنىڭ تاپسىرماسىنا سايكەس اعىمداعى جىلدىڭ 11-12 قىركۇيەك كۇندەرى تۇركىستان وبلىسى كاسىپكەرلىك جانە ونەركاسىپ باسقارماسىنىڭ ەكىنشى رەت ۇيىمداستىرۋىمەن تۇركىستان وبلىسىنىڭ كاسىپكەرلەرىنەن قۇرالعان دەلەگاتسيا وزبەكستان رەسپۋبليكاسى، انديجان وبلىسىنا ىسساپارمەن باردى. ساپاردىڭ نەگىزگى ماقساتى - تۇركىستان وبلىسىندا جىبەك ونەركاسىبىن دامىتۋ ماقساتىندا تاجىريبە الماسۋ.
باعدارلاما بويىنشا دەلەگاتسيا انديجان وبلىسىنىڭ جەكە كاسىپكەرى ابدۋفاتتاح اقساقالدىڭ تۇت اعاشتارىنىڭ پلانتاتسياسىن ارالاپ، ءتۇرلى سورتتارىمەن تانىستى. وبلىسىمىزدىڭ كاسىپكەرلەرىنە تۇت اعاشىن ءوسىرۋدىڭ پايداسى ونىڭ تيىمدىلىگى جانە الەمدىك نارىقتاعى جوعارعى تابىسقا يە كاسىپ ەكەندىگى ءتۇسىندىرىلدى.
تۇت اعاشىنىڭ پلانتاتسياسى از ينۆەستيتسيانى قاجەت ەتەتىن جوبالاردىڭ ءبىرى بولىپ سانالادى جانە «اۋىل اماناتى» باعدارلامسىمەن قارجىلاندىرۋ جولدارى قاراستىرىلعان. وسى سالاعا قىزىعۋشىلىق تانىتقان كاسىپكەرلەرىمىز جىبەك وندىرۋشىلەرىمەن پىكىر الماسىپ، بايلانىس ورناتتى.
ءىس-ساپار بارىسىندا كاسىپكەرلەر تۇت اعاشىن ءوسىرۋدىڭ ءتيىمدى مەحانيزمدەرىمەن تانىستى. اتاپ ايتقاندا، تامشىلاتىپ جانە بۋلاندىرۋ ارقىلى سۋارۋ جۇيەلەرى.
بىرقاتار كاسىپكەرلەرىمىز وزبەكستاننان تۇت كوشەتتەرىن اكەلۋگە جانە ودان ءارى وزبەكستاندىق كاسىپكەرلەرمەن بىرلەسە جۇمىس ىستەۋگە نيەتتەنۋدە.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز