وبلىس اكىمى دارحان ساتىبالدى تۇركىستانداعى بىرنەشە كاسىپكەرلىك نىساندارىندا بولىپ، جۇمىسىمەن تانىستى. كاسىپكەرلەرمەن جەكە-جەكە سويلەسىپ، ءوندىرىس كولەمىن ۇلعايتۋ، جۇمىس ورىندارىن كوبەيتۋ، شەتەلدىك نارىققا شىعۋ جونىندەگى جوسپارلارىن، وتىنىشتەرىن تىڭدادى. قانداي قولداۋ قاجەت ەكەنىن سۇراپ، مەملەكەتتىك باعدارلامالاردى ءتۇسىندىردى.
بۇگىندە تۇركىستانداعى «ASIA BREND» جيھاز كومپانياسى جىلىنا 22000 دانا جيھاز شىعارۋعا قاۋقارلى. جىلدىق قارجىلىق اينالىمى – 1,1 ملرد. تەڭگە. كاسىپورىندا 150 ادام جۇمىسپەن قامتىلعان. زاماناۋي ۇلگىدەگى تەحنولوگيالار قولدانىلاتىن كاسىپورىننىڭ جيھازدارىنا ءوز ەلىمىزبەن قاتار كورشىلەس مەملەكەتتەردەن دە سۇرانىس بار. وبلىس اكىمى كاسىپكەرگە جوبانىڭ قۋاتتىلىعىن ارتتىرىپ، ەسكسپورتقا جۇمىس ىستەۋ قاجەتتىگىن ايتتى. دارحان ساتىبالدى وسى كۇنى «IDEAL TURKESTAN» جشس-ءنىڭ الەۋەتىمەن تانىستى. جيھاز زاۋىتىندا 50 ادام جۇمىسپەن قامتىلعان. بۇگىندە كاسىپورىننىڭ ونىمدەرىنە سۇرانىس بار. كەزدەسۋدە كاسىپكەرلىككە قولداۋ كورسەتۋ، مەملەكەتتىك باعدارلامالاردى ءتيىمدى قولدانۋ، ءوندىرىستى جانداندىرۋ باعىتىندا ۇسىنىس-پىكىرلەر تىڭدالدى. تۇركىستان ءوڭىرىنىڭ جيھاز شىعارۋ سالاسىنداعى الەۋەتىن جوعارى باعالاعان وبلىس اكىمى بۇل باعىتتاعى جوبالاردى جەتىلدىرە ءتۇسۋ، ەكسپورتتى ۇلعايتۋ ماڭىزدى ەكەنىن، وسىعان قاتىستى ۇسىنىستار قارالاتىنىن جەتكىزدى.
