Oblys äkımı Darhan Satybaldy Türkıstandaǧy bırneşe käsıpkerlık nysandarynda bolyp, jūmysymen tanysty. Käsıpkerlermen jeke-jeke söilesıp, öndırıs kölemın ūlǧaitu, jūmys oryndaryn köbeitu, şeteldık naryqqa şyǧu jönındegı josparlaryn, ötınışterın tyŋdady. Qandai qoldau qajet ekenın sūrap, memlekettık baǧdarlamalardy tüsındırdı.
Bügınde Türkıstandaǧy «ASIA BREND» jihaz kompaniiasy jylyna 22000 dana jihaz şyǧaruǧa qauqarly. Jyldyq qarjylyq ainalymy – 1,1 mlrd. teŋge. Käsıporynda 150 adam jūmyspen qamtylǧan. Zamanaui ülgıdegı tehnologiialar qoldanylatyn käsıporynnyŋ jihazdaryna öz elımızben qatar körşıles memleketterden de sūranys bar. Oblys äkımı käsıpkerge jobanyŋ quattylyǧyn arttyryp, esksportqa jūmys ısteu qajettıgın aitty. Darhan Satybaldy osy künı «IDEAL TURKESTAN» JŞS-nıŋ äleuetımen tanysty. Jihaz zauytynda 50 adam jūmyspen qamtylǧan. Bügınde käsıporynnyŋ önımderıne sūranys bar. Kezdesude käsıpkerlıkke qoldau körsetu, memlekettık baǧdarlamalardy tiımdı qoldanu, öndırıstı jandandyru baǧytynda ūsynys-pıkırler tyŋdaldy. Türkıstan öŋırınıŋ jihaz şyǧaru salasyndaǧy äleuetın joǧary baǧalaǧan oblys äkımı būl baǧyttaǧy jobalardy jetıldıre tüsu, eksportty ūlǧaitu maŋyzdy ekenın, osyǧan qatysty ūsynystar qaralatynyn jetkızdı.
