2025 جىلعى 3 ماۋسىم كۇنى موڭعوليا استاناسى ۇلانباتىردا بىرنەشە اپتادان بەرى جالعاسىپ جاتقان جەمقورلىققا قارسى نارازىلىقتار اياسىندا ەلدىڭ پرەمەر-ءمينيسترى لۋۆساننامسراين ويۋن-ەردەنە وتستاۆكاعا كەتەتىنىن مالىمدەدى، دەپ حابارلايدى “ادىرنا”.
بۇعان دەيىن، پارلامەنت – موڭعوليانىڭ ۇلى مەملەكەتتىك حۋرالى پرەمەر-ءمينيستردىڭ وتستاۆكاسىن جاسىرىن داۋىس بەرۋ ارقىلى قابىلداعان ەدى.
اقپارات اگەنتتىكتەرىنىڭ حابارلاۋىنشا، لۋۆساننامسراين ويۋن-ەردەنە جاڭا پرەمەر-مينيستر تاعايىندالعانعا دەيىن ءوز مىندەتىن ۋاقىتشا اتقارا بەرەدى. زاڭعا سايكەس، موڭعوليادا جاڭا ۇكىمەت باسشىسى 30 كۇن ىشىندە تاعايىندالۋى ءتيىس.
الەمدىك اگەنتتىكتەردىڭ مالىمەتىنشە، ۇلانباتىرداعى نارازىلىق شەرۋلەرىنە قاتىسۋشىلار ويۋن-ەردەنەنەن 22 جاستاعى ۇلىنىڭ تابىس كوزىن اشىق جاريالاۋدى تالاپ ەتكەن. ونىڭ قالىڭدىعى الەۋمەتتىك جەلىلەردە قىمبات سىيلىقتاردىڭ سۋرەتتەرىن جاريالاعان: بريلليانت جۇزىك، كولىك جانە برەندتىك سومكە.
AFP اگەنتتىگى حابارلاعانداي، نارازىلىققا جاستار بەلسەندى تۇردە قاتىسۋدا. ولار «وتستاۆكا – بۇل وڭاي» دەگەن ۇرانمەن شىعىپ جاتىر.
لۋۆساننامسراين ويۋن-ەردەنە 2021 جىلدان بەرى موڭعوليا پرەمەر-ءمينيسترى قىزمەتىن اتقارىپ كەلگەن. ول وزىنە تاعىلعان بارلىق جەمقورلىق ايىپتاۋلارىن جوققا شىعارىپ وتىر.
