Ál-Farabı atyndaǵy Qazaq Ulttyq ýnıversıteti, jýrnalıstıka fakýltetiniń oqytýshysy Qastaı Dastan Qýandyqulyn jumystan shyǵaryp, qysym jasaǵan menedjer qyzmetinen bosatyldy. Bul týraly Ál-Farabı atyndaǵy QazUÝ jýrnalıstıka fakýlteti baspasóz jáne elektrondy BAQ kafedrasynyń meńgerýshisi, professor Gúlmıra Sultanbaeva Facebook paraqshasynda jazdy, dep habarlaıdy “Adyrna” ulttyq portaly.
“Búgin jýrnalıstıka fakýltetiniń dekany Temirǵalı Kópbaev ortamyzǵa kelip, kózaıym bolyp jatyrmyz.
Onyń ústine fakýltettegi jaǵdaı rettelip, Dastan Qastaıdyń oqytýshylyq qyzmetine qatysty barlyq másele oryn-ornyna keldi. Ýnıversıtet basshylyǵy tarapynan Akademııalyq máseler boıynsha prorektor Lázzat Qalymbekqyzy Erkinbaeva fakýltet ustazdarymen kezdesip, ujymnyń oı-pikirin tyńdady. 22.09.2023-09.10.2023 aralyǵynda dekan Mánshúk Muqashevanyń Dastan Qastaıǵa jasaǵan qysymy ashyq aıtyldy. Búginnen bastap ýnıversıtet rektory M.Muqashevany qyzmetinen shyǵarý týraly buıryq shyǵardy. Jas oqytýshyǵa jasalǵan qysym týraly ýnıversıtet basshylyǵy der kezinde habardar bolmaǵany ras. Akademııalyq adaldyq pen ádilettilik ornady dep úlken senimmen jumysqa kiristi”, dep jazdy Gúlmıra Sultanbaeva.
Eske salaıyq, Ál-Farabı atyndaǵy Qazaq Ulttyq ýnıversıteti, jýrnalıstıka fakýltetiniń oqytýshysy Qastaı Dastandy ýnıversıtet basshylyǵynyń eshbir sebepsiz jumystan shyǵaryp jibergenine qatysty narazylyǵyn bildirgenin habarlaǵan edik.
