بالا قۇقىقتارى جونىندەگى ۋاكىل دينارا زاكيەۆا زورلانعان بۇلدىرشىندەرمەن كەزدەستى، دەپ حابارلايدى "ادىرنا" ءتىلشىسى.
5-ءشى قازان كۇنى الماتى وبلىسىندا وگەي ناعاشى اتاسىنان قورلىق كورگەن ەگىزدەر مەن زورلانعان 7 جاسار قىزدارعا وپەراتسيا جاسالعان بولاتىن.
ەرەسەكتەردەن زورلىق-زومبىلىق كورگەن بۇلدىرشىندەردىڭ جاعدايى بالالار ومبۋدسمەنى دينارا زاكيەۆانىڭ قاتاڭ باقىلاۋىندا. بۇل تۋرالى رەسمي ۋاكىل ءوزىنىڭ Facebook پاراقشاسىندا جازدى. ول بالالاردىڭ باستان كەشكەنىن "توزاققا" بالاپ، سۇمدىق قىلمىس ماسكۇنەمدىك پەن جازاسىزدىقتىڭ ناتيجەسى ەكەنىن ايتتى.
"كەشە پوليتسيا دەپارتامەنتىمەن، اۋداننىڭ كامەلەتكە تولماعاندار ءىسى جونىندەگى ينسپەكتورمەن، دەنساۋلىق ساقتاۋ جانە ءبىلىم باسقارمالارىمەن وتباسىندا بۇعان دەيىن ورىن العان وقيعالار تىزبەگىن زەرتتەدىك. ەكى جىل بۇرىن اناسى مەن وگەي اكەسى (ەگىزدەردىڭ اجەسى مەن ونىڭ كۇيەۋى) 7 جاسار قىزدارىن كوسەۋمەن كۇيدىرگەنى (جىنىس مۇشەلەرىمەن) انىقتالدى. بۇل قىز بالا وقىعان ينتەرناتتا انىقتالدى. بۇل بويىەشا ءىس قك-ءتىڭ 140-بابىمەن قوزعالدى (الايدا بۇل 110-باپ "ازاپتاۋ" بولۋ كەرەك ەدى) جانە اتا-انا قۇقىعىنان ايىرۋ تۋرالى ماسەلە كوتەرىلدى. بىراق،️ بىرىنشىدەن، مەنىڭ ويىمشا، ءىس دۇرىس ەمەس باپپەن قوزعالدى جانە دە بالانىڭ اناسى وگەي اكەسىمەن بىرگە كۇيدىرگەنىن مويىنداعانىنا قاراماستان، ءىس تەك اناسىنا قاتىستى قوزعالدى. ەكىنشىدەن، سوت اتا-انا قۇقىعىنان ايىرۋ تۋرالى ءوتىنىشتى قابىلداماي، ايىپپۇل عانا سالدى. ناتيجەسىندە بالا ۇيدەن وقىتۋعا اۋىستىرىلدى جانە بۇل سۇمدىق جاعدايدا ول تاعى ەكى جىل ءومىر ءسۇردى. قازىر انىقتالعانداي، قىزدى زورلاۋدىڭ بەلگىلەرىن جاسىرۋ ءۇشىن كۇيدىرگەن ەكەن.
وسىلايشا اتا-انانىڭ ازعىندىق ارەكەتىن جازىپ، ءىس دۇرىس قارالعاندا وتباسىداعى ءۇش بالانى دا قۇتقارىپ قالۋعا مۇمكىندىك بولعانىن دا جاسىرمادى. دينارا زاكيەۆا ءوز جازباسىندا:
"وسىعان بايلانىستى تەكسەرىس جۇرگىزۋدى جانە وسى بۇزۋشىلىقتارعا جاۋاپتى تۇلعالاردىڭ ءبارىن جاۋاپقا تارتۋ قاجەت دەپ سانايمىن. بۇعان قاجەتتى شارالاردىڭ ءبارىن مەملەكەتتىك ورگاندارمەن بىرگە قابىلدايتىن بولامىز.
ايتا كەتەيىك، ەلىمىزدە بيىل بالالارعا قاتىستى زورلىق-زومبىلىقتىڭ 252 فاكتىسى تىركەلگەن.
