كەلىنى جاقسىنىڭ كەرەگەسى التىن

527

بىردە ادەبي ورتادا جينالىپ وتىرعانىمىزدا ءبىزدىڭ قاتاردان 5-6 جاس ۇلكەن، اقىل-ويى كوپ جاساعاننان ارتىق əپكەمىز ۇلگى بولار دۇنيە ايتتى. ءۇيدىڭ تۇڭعىشى بولسا دا ءəلى تۇرمىس قۇرماعان ول ءبىر كۇنى اتا-اناسىنىڭ ءحالىن بىلۋگە ۇيىنە كەلەدى. ءوزى ۇيىنەن جىراقتا، قوس شامشىراعى ءىنىسى مەن كەلىنىنىڭ قامقورلىعىندا ەكەن. ەشكىمگە ايتپاستان، ەسكەرتۋسىز بارۋدى ۇيعارعان. اتا-اناسىن ءىنىسى مەن كەلىنىنە تابىستاعانىمەن، ىشتەي جاندارىنىڭ جايلى ەكەندىگىنە ءبىر جاعى كۇمəن كەلتىرە، ءبىر جاعى سەنىم ارتا تۋعان جەرىنە كەلەدى. ۇيىنە جاقىنداعاندا اشىق تۇرعان قاقپادان كىرە بەرە توسىن وقيعاعا كۋə بولادى. شىرىلداپ جىلاعان ءسəبيدىڭ ءۇنى تىنىشتىق سىيلار ەمەس. اناسىنىڭ قولىنان جۇلقي العان ءىنىسى بالاسىن كوتەرىپ وبەكتەگەنىمەن، تاماق سۇراپ شىدامسىزدانعان سəبي جىلاۋىن توقتاتپايدى. كەلىنى دە ۇيدەن جۇگىرە شىعىپ قولىنان الا بەرگەنى سول ەدى، جىلاعان داۋىسقا شىداماعان ول قوساقتالا əيەلىنە ۇرىسا جونەلدى. اناسىنىڭ كوزىنشە ءىنىسىنىڭ جاساعان بۇل əدەپسىزدىگىن جات كورسە دە ءۇنسىز باقىلاپ تۇر. كەلىنى دە شارت ەتە قالار دەپ ىشتەي نالىپ تۇرعاندا، ءبىر اۋىز ءسوز قايتارماستان بالانى الىپ ءۇنسىز ىشكە كىرىپ كەتەدى. ازداپ شۋىل باسىلعان سوڭ ەندى كەلگەندەي بۇل كىسى دە كۇلىمسىرەي امانداسا ىشكە ەنەدى. اناسى مەن ءىنىسى اڭ-تاڭ. كەلەدى دەپ ويلاماسا كەرەك. امانداسىپ، حəل سۇراسقانشا ءسəبيىن ۇستاعان كەلىنى جۇگىرە شىعىپ، يىلە سəلەم جاسايدى. نەمەرەسىن اپاسىنا بەرىپ، ءوزى شايدىڭ قامىن جاساپ əلەك. ۇيگە كىرسە ەت اسىلىپ جاتىر. جاڭاعى وقيعا جەلىسىن ەندى ۇققانداي. كەلىنى قامىر جايىپ جاتقان بولۋى كەرەك، نارەستە قاتتى جىلاپ كەتكەن سوڭ جۇمىسىن قويا سالا سىرتقا اسىققان. Əر ىسكە ۇلگەرىپ، ەبىن تاۋىپ جۇرگەن وعان ىشتەي ريزا بولىپ وتىرادى. شاي جاسالىپ بولعان سوڭ قالعانىن اناسىنا تاپسىرىپ، ءوزى ەتتىڭ قامىنا كىرىسكەن. ەت ورتاعا كەلگەنشە جۇمىستارىمەن كەتكەن əكەسى دە كەلەدى. كەلىنىنىڭ اناسىنان كەيىنگى ءۇيدىڭ ۇيىتقىسى بولىپ وتىرعانىنا كوزى جەتىپ، كوڭىلى جايلانادى. ءتىپتى ىشتەي ودان ۇلگى الار تۇستارى كوپ ەكەنىن دە مويىنداعان. ونىڭ اتا-ەنەسىنە قامقورلىعى، ءتىپتى تۋعان əكەسى مەن اناسىنداي كورەتىنى، جارىن وزىنەن جوعارى ساناپ، سىيلايتىنىن بايقايدى. وسىنداي تəربيە كورگەن كەلىن مەن جەڭگەنىڭ əر وتباسىنا بۇيىرۋىن شىن جۇرەكتەن تىلەيتىنىن ايتىپ، ءسوزىن اياقتادى. ءبىز دە ىشتەي بۇل تىلەگىن قوستاپ، بۇيىرسىن دەۋمەن ءۇنسىز قالدىق...

جانسايا سمان،

"ادىرنا" ۇلتتىق پورتالى

پىكىرلەر
رەداكتسيا تاڭداۋى