Bala quqyqtary jónindegi ýákil Dınara Zákıeva zorlanǵan búldirshindermen kezdesti, dep habarlaıdy "Adyrna" tilshisi.
5-shi qazan kúni Almaty oblysynda ógeı naǵashy atasynan qorlyq kórgen egizder men zorlanǵan 7 jasar qyzdarǵa operaııa jasalǵan bolatyn.
Eresekterden zorlyq-zombylyq kórgen búldirshinderdiń jaǵdaıy balalar ombýdsmeni Dınara Zákıevanyń qatań baqylaýynda. Bul týraly resmı ýákil óziniń Facebook paraqshasynda jazdy. Ol balalardyń bastan keshkenin "tozaqqa" balap, sumdyq qylmys maskúnemdik pen jazasyzdyqtyń nátıjesi ekenin aıtty.
"Keshe polıııa departamentimen, aýdannyń kámeletke tolmaǵandar isi jónindegi ınspektormen, densaýlyq saqtaý jáne bilim basqarmalarymen otbasynda buǵan deıin oryn alǵan oqıǵalar tizbegin zerttedik. Eki jyl buryn anasy men ógeı ákesi (egizderdiń ájesi men onyń kúıeýi) 7 jasar qyzdaryn kóseýmen kúıdirgeni (jynys múshelerimen) anyqtaldy. Bul qyz bala oqyǵan ınternatta anyqtaldy. Bul boıyesha is QK-tiń 140-babymen qozǵaldy (alaıda bul 110-bap "Azaptaý" bolý kerek edi) jáne ata-ana quqyǵynan aıyrý týraly másele kóterildi. Biraq,️ birinshiden, meniń oıymsha, is durys emes bappen qozǵaldy jáne de balanyń anasy ógeı ákesimen birge kúıdirgenin moıyndaǵanyna qaramastan, is tek anasyna qatysty qozǵaldy. Ekinshiden, sot ata-ana quqyǵynan aıyrý týraly ótinishti qabyldamaı, aıyppul ǵana saldy. Nátıjesinde bala úıden oqytýǵa aýystyryldy jáne bul sumdyq jaǵdaıda ol taǵy eki jyl ómir súrdi. Qazir anyqtalǵandaı, qyzdy zorlaýdyń belgilerin jasyrý úshin kúıdirgen eken.
Osylaısha ata-ananyń azǵyndyq áreketin jazyp, is durys qaralǵanda otbasydaǵy úsh balany da qutqaryp qalýǵa múmkindik bolǵanyn da jasyrmady. Dınara Zákıeva óz jazbasynda:
"Osyǵan baılanysty tekseris júrgizýdi jáne osy buzýshylyqtarǵa jaýapty tulǵalardyń bárin jaýapqa tartý qajet dep sanaımyn. Buǵan qajetti sharalardyń bárin memlekettik organdarmen birge qabyldaıtyn bolamyz.
Aıta keteıik, elimizde bıyl balalarǵa qatysty zorlyq-zombylyqtyń 252 faktisi tirkelgen.
