Bala qūqyqtary jönındegı uäkıl Dinara Zäkieva zorlanǧan büldırşındermen kezdestı, dep habarlaidy "Adyrna" tılşısı.
5-şı qazan künı Almaty oblysynda ögei naǧaşy atasynan qorlyq körgen egızder men zorlanǧan 7 jasar qyzdarǧa operasiia jasalǧan bolatyn.
Eresekterden zorlyq-zombylyq körgen büldırşınderdıŋ jaǧdaiy balalar ombudsmenı Dinara Zäkievanyŋ qataŋ baqylauynda. Būl turaly resmi uäkıl özınıŋ Facebook paraqşasynda jazdy. Ol balalardyŋ bastan keşkenın "tozaqqa" balap, sūmdyq qylmys maskünemdık pen jazasyzdyqtyŋ nätijesı ekenın aitty.
"Keşe polisiia departamentımen, audannyŋ kämeletke tolmaǧandar ısı jönındegı inspektormen, densaulyq saqtau jäne bılım basqarmalarymen otbasynda būǧan deiın oryn alǧan oqiǧalar tızbegın zerttedık. Ekı jyl būryn anasy men ögei äkesı (egızderdıŋ äjesı men onyŋ küieuı) 7 jasar qyzdaryn köseumen küidırgenı (jynys müşelerımen) anyqtaldy. Būl qyz bala oqyǧan internatta anyqtaldy. Būl boiyeşa ıs QK-tıŋ 140-babymen qozǧaldy (alaida būl 110-bap "Azaptau" bolu kerek edı) jäne ata-ana qūqyǧynan aiyru turaly mäsele köterıldı. Bıraq,️ bırınşıden, menıŋ oiymşa, ıs dūrys emes bappen qozǧaldy jäne de balanyŋ anasy ögei äkesımen bırge küidırgenın moiyndaǧanyna qaramastan, ıs tek anasyna qatysty qozǧaldy. Ekınşıden, sot ata-ana qūqyǧynan aiyru turaly ötınıştı qabyldamai, aiyppūl ǧana saldy. Nätijesınde bala üiden oqytuǧa auystyryldy jäne būl sūmdyq jaǧdaida ol taǧy ekı jyl ömır sürdı. Qazır anyqtalǧandai, qyzdy zorlaudyŋ belgılerın jasyru üşın küidırgen eken.
Osylaişa ata-ananyŋ azǧyndyq äreketın jazyp, ıs dūrys qaralǧanda otbasydaǧy üş balany da qūtqaryp qaluǧa mümkındık bolǧanyn da jasyrmady. Dinara Zäkieva öz jazbasynda:
"Osyǧan bailanysty tekserıs jürgızudı jäne osy būzuşylyqtarǧa jauapty tūlǧalardyŋ bärın jauapqa tartu qajet dep sanaimyn. Būǧan qajettı şaralardyŋ bärın memlekettık organdarmen bırge qabyldaityn bolamyz.
Aita keteiık, elımızde biyl balalarǧa qatysty zorlyq-zombylyqtyŋ 252 faktısı tırkelgen.
Ūqsas jaŋalyqtar
