قازاقستاننىڭ 13 وبلىسىندا ۇن قىمباتتادى. بۇل تۋرالى ۇكىمەتتە پرەمەر-ءمينيستردىڭ ورىنباسارى سەرىك جۇمانعاريننىڭ توراعالىعىمەن وتكەن كەڭەستە بيىلعى جىلدىڭ 9 ايىنداعى الەۋمەتتىك ماڭىزى بار ازىق-تۇلىك ونىمدەرىنىڭ باعا جاعدايى مەن الداعى ماۋسىمارالىق كەزەڭدەگى تاۋەكەلدەر تالقىلاندى، دەپ حابارلايدى “ادىرنا” ۇلتتىق پورتالى.
باعانىڭ كوتەرىلۋىنە بيدايدىڭ قىمباتتاۋى مەن رەسەيدەن ءداندى داقىلداردى ەكسپورتتاۋعا تىيىم سالۋ سەبەپ بولعان.
19-26 قىركۇيەك ارالىعىندا ۇن باعاسى 0,6%-عا كوتەرىلدى. سايكەسىنشە دۇكەندەردە نان دا 0,2%-عا قىمباتتاعان. باعانىڭ بۇلاي ءوسۋى سوڭعى 14 اپتادا العاش رەت بولىپ وتىر.
ۇننىڭ قىمباتتاعانى اسىرەسە وڭتۇستىكتە بايقالادى. ماسەلەن، شىمكەنتتە ءبىر قاپ ۇننىڭ باعاسى ءبىر اپتادا 12 مىڭ تەڭگەدەن 17 مىڭعا جەتكەن.