جەتىسۋ وبلىسىندا ءۇش ميلليارد تەڭگەدەن استام سوماعا مەملەكەتتىك ساتىپ الۋ جاسالعان. پروكۋراتۋرا ونىڭ كۇشىن جويدى، دەپ حابارلايدى «ادىرنا» ءتىلشىسى.
باسقارمانىڭ ايتۋىنشا، مەملەكەتتىك ورگاندار نەگىزىنەن الەۋەتتى ءونىم بەرۋشىلەردىڭ بىلىكتىلىك تالاپتارىن نەگىزسىز اسىرا باعالادى، مىندەتتى مەملەكەتتىك ساراپتاماسىز اۆتوجولدار سالۋعا كونكۋرستار جاريالاعان.
«85 ميلليون تەڭگەلىك ساتىپ الۋلاردىڭ الدىن الىندى، مەملەكەتتىك ورگاندار نەگىزسىز پايدا تاپپاق بولعان. الاكول اۋدانىندا پروكۋراتۋرانىڭ قاداعالاۋ اكتىلەرى بويىنشا 10 لاۋازىمدى تۇلعا جاۋاپقا تارتىلدى، ولاردىڭ ىشىندە ءتورت اۋىلدىق وكرۋگ اكىمى بار. پروكۋرورلىق قاداعالاۋ اكتىلەرى بويىنشا مەملەكەتتىك جانە جەرگىلىكتى اتقارۋشى ورگانداردىڭ 74 لاۋازىمدى تۇلعا اقبتك-ءنىڭ 207-بابى (مەملەكەتتىك ساتىپ الۋدى بۇزۋ) بويىنشا جالپى سوماسى 13 ملن تەڭگەگە ايىپپۇل سالۋمەن اكىمشىلىك جاۋاپكەرشىلىككە تارتىلدى»،—دەلىنگەن حابارلامادا.
