Jetisý oblysynda úsh mıllıard teńgeden astam somaǵa memlekettik satyp alý jasalǵan. Prokýratýra onyń kúshin joıdy, dep habarlaıdy «Adyrna» tilshisi.
Basqarmanyń aıtýynsha, memlekettik organdar negizinen áleýetti ónim berýshilerdiń biliktilik talaptaryn negizsiz asyra baǵalady, mindetti memlekettik saraptamasyz avtojoldar salýǵa konkýrstar jarııalaǵan.
«85 mıllıon teńgelik satyp alýlardyń aldyn alyndy, memlekettik organdar negizsiz paıda tappaq bolǵan. Alakól aýdanynda prokýratýranyń qadaǵalaý aktileri boıynsha 10 laýazymdy tulǵa jaýapqa tartyldy, olardyń ishinde tórt aýyldyq okrýg ákimi bar. Prokýrorlyq qadaǵalaý aktileri boıynsha memlekettik jáne jergilikti atqarýshy organdardyń 74 laýazymdy tulǵa ÁQBtK-niń 207-baby (Memlekettik satyp alýdy buzý) boıynsha jalpy somasy 13 mln teńgege aıyppul salýmen ákimshilik jaýapkershilikke tartyldy»,—delingen habarlamada.
