Aqmola oblysynyń bilim basqarmasy oqýshynyń basyn taqtaǵa urǵan muǵalimniń jumysynan bosatylǵanyn aıtty, dep habarlaıdy «Adyrna» tilshisi.
Buǵan deıin jelide pedagogtiń áreketi qyzý talqylanǵan edi.
Basqarmanyń aıtýynsha, oqıǵa I.Qutpanuly atyndaǵy mektepte bolǵan.
«2023 jylǵy 5 qazanda mekteptiń tarıh páni muǵaliminiń is-áreketi pedagogıkalyq ádep jónindegi keńeste qaraldy. Keńes mektep dırektoryna tárbıe fýnkııalaryn oryndaıtyn qyzmetkerdiń ádepsiz teris qylyq jasaǵany úshin osy jumysty jalǵastyrýǵa sáıkes kelmeıtin muǵalimdi qyzmetinen bosatýdy usyndy»,—delingen habarlamada.
Tarıh pániniń muǵalimi Eńbek Kodeksi negizinde jumystan bosatyldy. Al mektep dırektory qol astyndaǵy muǵalimniń pedagogıkalyq etıka normalaryn saqtaýyn jetkiliksiz baqylaǵany úshin tártiptik jaýapkershilikke tartyldy.
Eske salaıyq, 5 qazanda Qaznette muǵalimniń oqýshynyń basyn taqtaǵa urǵan vıdeosy paıda boldy.
View this post on Instagram
<
