اقمولا وبلىسى جاقسى اۋدانىنا قاراستى پودگورنوە اۋىلىندا مال شارۋاشىلىعى فەرماسىنىڭ اۋماعىندا قايعىلى وقيعا بولدى، دەپ حابارلايدى "ادىرنا" ۇلتتىق پورتالى sinegor.kz سايتىنا سىلتەمە جاساپ.
الدىن الا مالىمەتكە سايكەس، 25 جەلتوقسان كۇنى تراكتور جۇرگىزۋشىسى كاسىپورىننىڭ 56 جاستاعى قىزمەتكەرىن قاعىپ كەتكەن. اۋىر جاراقات العان ەر ادام اۋرۋحانادا كوز جۇمدى.
اتالعان دەرەك بويىنشا قىلمىستىق ءىس قوزعالىپ، سوتقا دەيىنگى تەرگەۋ امالدارى جۇرگىزىلۋدە. قايعىلى جاعدايدىڭ بارلىق ءمان-جايى انىقتالىپ جاتىر.
اقمولا وبلىسى بويىنشا مەملەكەتتىك ەڭبەك ينسپەكتسياسى دەپارتامەنتىنىڭ مالىمەتىنشە، جازاتايىم وقيعا تۋرالى حابارلاما جۇمىس بەرۋشىدەن 26 جەلتوقساندا تۇسكەن.
«اتالعان جازاتايىم وقيعاعا بايلانىستى ءتيىستى بۇيرىق شىعارىلدى. بۇيرىق نەگىزىندە كوميسسيا قۇرىلىپ، ارنايى تەرگەۋ جۇرگىزىلىپ جاتىر»، – دەپ حابارلادى ۆەدومستۆو.
