قازاقستان رەسپۋبليكاسىنىڭ پرەمەر-ءمينيسترى ءاليحان سمايىلوۆ «بايتەرەك» ۇلتتىق باسقارۋشى حولدينگىنىڭ ۇجىمىنا جاڭا باسشى نۇرلان بايبازاروۆتى تانىستىردى. بۇل تۋرالى ۇكىمەتتىڭ ءباسپاسوز حاتشىسى مالىمدەدى، دەپ حابارلايدى “ادىرنا” ۇلتتىق پورتالى.
پرەمەر-مينيستر مەملەكەت باسشىسى حالىققا جولداۋىندا «بايتەرەك» حولدينگىنىڭ قىزمەتىن ترانسفورماتسيالاۋ جانە اۋقىمدى تسيفرلاندىرۋ بويىنشا مىندەت قويعانىن ەسكە سالدى.
ناتيجەسىندە بيۋروكراتيالىق كەدەرگىلەر جويىلىپ، وتىنىمدەردى قاراۋ مەرزىمى قىسقارىپ، بيزنەس قاۋىمداستىعىنىڭ قولداۋ شارالارى تۋرالى حاباردار بولۋ دەڭگەيى ارتۋى قاجەت. جاڭا باسشى الداعى جوسپارلاردىڭ ورىندالۋىن قامتاماسىز ەتۋى ءتيىس، — دەدى پرەمەر-مينيستر.
ودان بولەك، ول «بايتەرەك» باسەكەگە قابىلەتتى بيزنەستى دامىتۋ، حالىقتى قولجەتىمدى باسپانامەن قامتاماسىز ەتۋ جانە رەسپۋبليكانىڭ ازىق-تۇلىك قاۋىپسىزدىگىن نىعايتۋ بويىنشا جۇمىستاردى كۇشەيتۋى قاجەت ەكەنىن دە اتاپ ءوتتى.
سونداي-اق، ءاليحان سمايىلوۆ حولدينگ ۇجىمىنا جۇكتەلگەن بارلىق مىندەتتەردى شەشۋدە تابىستى جۇمىس تىلەدى.
