پاۆلوداردىڭ قاسىندا اقسۋ دەگەن قالا بار. كىشىگىرىم تىپ-تىنىش قالا. حالقىنىڭ تەڭ جارتىسى قالا شەتىندەگى اقسۋ فەرروقورىتپا زاۋىتىندا ىستەيدى. سوڭعى كۇندەرى اقسۋدىڭ اتى كۇللى رەسپۋبليكاعا ءمالىم بولدى. الەۋمەتتىك جەلى ارقىلى تاراعان ۆيدەولاردا قاپتاعان كولىكتەر مەن ومون قولىن قايىرىپ، جەرگە جاتقىزعان كىسىلەردى كورۋگە بولادى. جاڭاعى افز جانىنا قاراقۇرىم ەل جيىلىپ، ونى ارنايى جاساق قۋىپ تاراتۋدا. اقسۋ بۇنداي دۇربەلەڭدى سوڭعى رەت 1990 جىلداردىڭ باسىندا كوردى. ەرماكتىڭ اتىن اقسۋ قىلىپ وزگەرتكەندە. جۇرت نەگە جينالدى؟ ونى ومون نەگە تاراتۋدا؟ ماسەلەنىڭ ءبارىن رەت-رەتىمەن باياندايىق.
2000 جىلدارى تەمىرتاۋ قالاسىنىڭ ازاماتى ءىس-ساپارمەن ەۋروپاعا بارادى. سوندا فەرروقورىتپا زاۋىتىنان شىعاتىن، قۇرامىندا ميكروسفەراسى بار كۇلدى وڭدەپ، اۆتوكولىككە جانە قۇرىلىسقا قولداناتىنىن ەستيدى. سۇراستىرسا، بۇل كۇلدى تابۋ دا وڭاي ەمەس، باعاسى دا اسپانداپ تۇر ەكەن. قازاقستانعا كەلىسىمەن سالىپ ۇرىپ، اقسۋ فەرروقورىتپا زاۋىتىنا كەلەدى. "سولاي دا سولاي، مەن سىزدەردەن كۇل الايىن دەپ ەدىم، كومەكتەسسەڭىزدەر" دەپ. ونسىز دا ول كۇلدى قايدا جىبەرەرىن بىلمەي وتىرعان زاۋىت باسشىلىعى جەردەن جەتى قويان تاپقانداي قۋانسىن. بىرەۋ ەسىگىڭنىڭ الدىنداعى كۇلدى تەگىن اكەتەم دەپ وتىرسا قۋانباعاندا. ارادا بىرنەشە جىل وتكەندە ميكروسفەرا قوسىلعان كۇلدىڭ باعاسىن جەرگىلىكتى "مەتال جيناۋمەن" اينالىساتىن ازاماتتار دا ەستيدى. ولار دا اقىرىن شەتىنەن شەت ەلگە شىعارىپ جۇرەدى. بىراق، 2019 جىلدىڭ مامىردىڭ باسىندا "كۇلدىڭ" اڭگىمەسى جالپاق ەلگە جايىلىپ، ەستىگەن جۇرت كۇلتوكپەنى "باسىپ الادى". ەندى شە، ءبىر كەلى كۇلدى 100 تەڭگەدەن الادى. ءبىر قاپقا 40 كەلىدەي كۇل سىيادى. ءبىر كامازعا 600-دەي قاپ سيادى. سوندا ءبىر كامازدان 2 ميلليون 400 مىڭ تەڭگەدەي اقشا شىعادى ەكەن.
بۇل كۇل جايلى Google ارقىلى مىنانداي اقپاراتقا كەزىكتىك.
قۇرىلىس ماتەريالدارىنىڭ ونەركاسىبىندە كۇل كەيبىر بەتون تۇرلەرىن شىعارۋ ءۇشىن قولدانىلادى. سيرەك جانە ميكروەلەمەنتتەر، مىسالى، گەرماني، گالي جانە ۋران، كەيبىر مەتالدىق كومىرلەردىڭ كۇلىنەن الىنعان. ورگانيكالىق ەلەمەنتتەردى تولتىرۋ ءۇشىن كىشكەنتاي مولشەردە كۇل جەتكىلىكتى.
قازىر بۇل كۇلتوكپەنىڭ باسىندا پاۆلودارلىق قۇقىق قورعاۋ ورگانىنىڭ قىزمەتكەرلەرى جاتا-جاستانا جايعاسقان. ۆيدەودان كورگەندەرىڭىزدەي ارنايى جاساق بۇل جەردى قاتاڭ كۇزەتكە العان. كىرىپ-شىعۋعا تەك "بيلىككە جاقىن كومپانيانىڭ" كامازدارىنىڭ رۇقساتى بار دەيدى. بۇل كامازداردى وبلىس كولەمىندە توقتاتۋعا گاي قىزمەتكەرلەرىنىڭ دە شاماسى كەلمەيدى دەيدى. ال، بىلەتىندەر بۇل جەردى وبلىستاعى ءنومىرى ءبىرىنشى ادام ءوز دارگەيىنە كەلتىرگەن دەيدى. سول سەبەپتى كۇلتوكپەنىڭ باسى ارنايى جاساق پەن جەرگىلىكتى پوليتسيانىڭ، ۇيىمداسقان قىلمىسقا قارسى كۇرەس قىزمەتى (ۋبوپ) قاتاڭ باقىلاۋىندا ەكەن.
ءبىز وسى اڭگىمەنىڭ انىق-قانىعىن ءبىلۋ ءۇشىن پاۆلودار وبلىستىق پوليتسيا دەپارتامەنتىنىڭ رەسمي وكىلى جاننا بەليالوۆاعا حابارلاستىق. ارنايى جاساقتىڭ كۇل توكپەنىڭ باسىندا نە ىستەپ جۇرگەنىن سۇراعانىمىزدا، "ول جەرگە ارنايى جاساق شاقىرتۋ بويىنشا باردى. زاۋىتتىڭ اۋماعىنا حالىق جينالىپ جاتىر دەگەن حابارلاما تۇسكەن سوڭ ارنايى جاساقتى اتتاندىردىق" دەپ جاۋاپ بەردى. بىراق، جەرگىلىكتى جۇرت ارنايى جاساق پەن پوليتسيانىڭ تۇرعانىنا ەكى اپتادان استى دەيدى. ۆيدەودان راسىمەن دە، قاپتالعان قاپتاردى كورۋگە بولادى.
جەردىڭ استىنداعى بايلىقتى قويىپ، كۇلتوكپەسىنىڭ ءوزى التىنعا پارا پار مەملەكەتتە حالىق قايىرشىنىڭ كۇيىن كەشىپ ءجۇر. ءوز كۇلتوكپەسى وزىنە بۇيىرمايتىن بىزدەي دە جۇرت بولادى ەكەن عوي.
[playlist type="video" ids="17189"]
[video width="848" height="480" mp4="https://adyrna.kz/content/uploads/2019/05/2.mp4"][/video]
[video width="848" height="480" mp4="https://adyrna.kz/content/uploads/2019/05/3.mp4"][/video]
[video width="848" height="480" mp4="https://adyrna.kz/content/uploads/2019/05/4.mp4"][/video]
[video width="640" height="352" mp4="https://adyrna.kz/content/uploads/2019/05/5.mp4"][/video]
[video width="848" height="480" mp4="https://adyrna.kz/content/uploads/2019/05/6.mp4"][/video]
[video width="640" height="352" mp4="https://adyrna.kz/content/uploads/2019/05/7.mp4"][/video]
[video width="640" height="352" mp4="https://adyrna.kz/content/uploads/2019/05/8.mp4"][/video]
"ادىرنا" ۇلتتىق پورتالى
