ناتيجەسىندە دارىگەرلەر تاپشىلىعى 153 ماماننان 80-گە دەيىن ازايدى. بۇل تۋرالى وبلىس اكىمدىگىنىڭ ءباسپاسوز قىزمەتى ءمالىم ەتتى.
«رەزيدەنتتەر وبلىس اكىمدىگىنىڭ گرانتى بويىنشا س. اسفەندياروۆ ات. قازاق ۇلتتىق مەديتسينالىق ۋنيۆەرسيتەتىندە، قازاقستان-رەسەي مەديتسينالىق ۋنيۆەرسيتەتىندە، سەمەي قالاسىنداعى ۋنيۆەرسيتەتتە ءبىلىم العان»، - دەپ جازدى ءباسپاسوز قىزمەتى.
جاس ماماندار بارلىق اۋداندارداعى مەديتسينالىق نىساندارعا جۇمىسقا ورنالاستى. ولاردىڭ قاتارىندا حيرۋرگ، نەۆرولوگ، ينفەكتسيونيست، كارديولوگ سىندى دارىگەرلەر بار.
«ءوڭىر باسشىسى مارات سۇلتانعازيەۆ اپپارات وتىرىسىندا جاس مامانداردى قولداۋ ءۇشىن بار جاعدايدى جاساۋدى تاپسىرعان بولاتىن. ارنايى زاڭعا سايكەس، اۋىلدارعا جۇمىسقا ورنالاسقان ماماندارعا 100 اەك كولەمىندە (345 مىڭ تگ) ءبىر رەتتىك كوتەرمەاقى بەرىلەدى. سونداي-اق ءۇي سالۋ، ساتىپ الۋ ءۇشىن 1500 اەك كولەمىندە (5,175 ملن تگ) قاراجات قاراستىرىلعان»، - دەلىنگەن حابارلامادا.
