داستۇرگە اينالعان بۇل تۋرنير بيىل جيىرما بەسىنشى رەت وتكەلى وتىر.
25-26 مامىردا الماتى قالاسى «بالۋان شولاق» اتىنداعى سپورت كەشەنىندە گرەك-ريم كۇرەسىنەن ءداستۇرلى حالىقارالىق «بولات تۇرلىحانوۆ كۋبوگى» وتەدى.
العاش رەت جالاۋى 1994 جىلى جەلبىرەگەن بۇل تۋرنير بيىل جيىرما بەسىنشى رەت وتكەلى وتىر. ءاۋ باستا سەمەي قالاسىندا ءوتىپ كەلگەن بۇل ءتۋرنيردىڭ الاتاۋ بوكتەرىنە كەلگەنىنە دە بىرنەشە جىل بولدى.
بۇكىلالەمدىك كۇرەس كەڭەسىنىڭ (UWW) كۇنتىزبەسىنە ەنگىزىلگەن «بولات تۇرلىحانوۆ كۋبوگى» تەك وليمپيادالىق التى سالماقتا(59, 67, 77, 87, 97 جانە 130 كەلى) وتەدى.
بيىلعى ءدۇبىرلى دوداعا ەلىمىزدىڭ ۇزدىك پالۋاندارىمەن قوسا گرەك-ريم كۇرەسىندە الەمدە كوشباسشى ەلدەر سانالاتىن رەسەي، يران، كورەيا، ارمەنيا، بەلارۋس، قىرعىستان، وزبەكستان جانە تاعىدا وزگە ەلدەردىڭ كۇرەس شەبەرلەرى قاتىسپاق. جوعارىدا اتالعان ەلدەر قاتارىندا بىرنەشە الەم جانە وليمپيادا چەمپيوندارى قاتىسادى دەپ كۇتىلۋدە.
جارىستىڭ قۇرمەتتى قوناقتارى قاتارىندا الەكساندر كارەلين، كاماندور مادجيدوۆ، كيم ەن نام، جاقسىلىق ۇشكەمپىروۆ سىندى كۇرەس الەمىنىڭ ءتىرى اڭىزدارى بار.
بۇكىلالەمدىك كۇرەس كەڭەسىنىڭ (UWW) رەسمي سايتىنىڭ حابارلاۋىنشا، ءتۋرنيردىڭ جەڭىمپازدارى مەن جۇلدەگەرلەرىنە مەدالدار مەن ديپلومدار تابىستالادى. ەڭ باستىسى ۇيىمداستىرۋشى كوميتەت ۇزدىك بالۋاندارعا ارنايى قارجىلاي سىياقى دايىندالعان.
بۇگىنگى كۇنگە دەيىن جارىستى جوعارى دەڭگەيدە ۇيىمداستىرىپ كەلگەندەر بيىل دا ءوز بيىگىنەن كورىنۋدى جوسپارلاپ وتىر. داستۇرگە اينالعان ءتۋرنيردىڭ جىل سايىن تابىستالىپ كەلە جاتقان قارجىلاي سىياقىسى تومەندەگىدەي.
1 ورىن - 3 000 اقش دوللارى
2 ورىن - 2 000 اقش دوللارى
3 ورىن - 1 000 اقش دوللارى
بيىل «بالۋان شولاق» سپورت كەشەنىنە پالۋانداردى قولداۋعا كەلگەن جانكۇيەرلەردى دە قۇر قول قايتپايدى. ۇيىمداستىرۋشىلاردىڭ سوزىنشە جانكۇيەرلەردى دە باعالى سىيلىقتار كۇتىپ تۇر.
ەسكە سالايىق، بولات تۇرلىحانوۆ - قازاق سسر-نىڭ ەڭبەك سىڭىرگەن جاتتىقتىرۋشىسى. سەمەي وڭىرىندە دۇنيەگە كەلىپ، 1956 جىلى قازاق دەنە شىنىقتىرۋ ينستيتۋتىن تامامداعان. سانالى عۇمىرىندا تالاي ساقا پالۋانداردى باپتاپ، ولاردى كۇرەسكەرلىك رۋحقا، جەڭىسكە دەگەن ەرىك-جىگەرلىلىككە، ءتوزىمدى بولىپ العا جىلجۋعا، بيىك ماقسات قويا ءبىلىپ، اسقاق ارمانعا جەتۋلەرىنە جەتەلەگەن.
سۋرەتتەر Prosports.kz سايتىنان جانە عالامتوردان الىندى.
