بوستاندىققا شىققان كەنتاۋ قالاسىنىڭ بۇرىنعى اكىمى داۋرەن ماقاجانوۆ قايتادان كولونياعا جىبەرىلدى. وعان جازانىڭ وتەلمەگەن بولىگىن نەعۇرلىم جەڭىل جازا تۇرىنە اۋىستىرۋ بويىنشا اپەللياتسيادان باس تارتىلدى. بۇل تۋرالى الماتى وبلىسى سوتتارى Facebook پاراقشاسىندا جازدى، دەپ حابارلايدى “ادىرنا” ۇلتتىق پورتالى.
مالىمەتكە سۇيەنسەك، بۇگىندە ماقاجانوۆ جازاسىن ودان ءارى وتەۋ ءۇشىن ءىىم قىلمىستىق-اتقارۋ جۇيەسى كوميتەتىنىڭ "№64 مەكەمەسىنە" جەتكىزىلگەن. سونداي-اق ۆەدومستۆونىڭ حابارلاۋىنشا، بۇعان دەيىن قوناەۆ قالالىق سوتى ماقاجانوۆقا قاتىستى جازانىڭ وتەلمەگەن بولىگىن نەعۇرلىم جەڭىل جازا تۇرىنە اۋىستىرۋ تۋرالى قاۋلى شىعارعان بولاتىن. الايدا الماتى وبلىستىق سوتى بۇل قاۋلىنىڭ كۇشىن جويدى.
داۋرەن ماقاجانوۆتىڭ ءىسى كەنتاۋ اكىمى 2022 جىلدىڭ اقپانىندا ۇستالدى. ول ءوزىنىڭ سەنىمدى ادامدارى ارقىلى مەملەكەتتىك-جەكەمەنشىك شارت اياسىندا اۆتوجولداردى جوندەۋمەن اينالىساتىن جشس ديرەكتورىنان 98,5 مىڭ اقش دوللارى كولەمىندە پارا الدى دەپ ايىپتالعان.
تەرگەۋدى الماتى قالاسى بويىنشا انتيكوررۋپتسيالىق قىزمەت وكىلدەرى جۇرگىزگەن. كۇدىكتى سوتتىڭ سانكتسياسىمەن قاماۋعا الىنعان. سول جىلدىڭ شىلدەسىندە داۋرەن ماقاجانوۆقا قاتىستى ۇكىم شىقتى. ول اسا ءىرى كولەمدە پارا العانى ءۇشىن كىنالى دەپ تانىلىپ، ماكسيمالدى قاۋىپسىزدىك قىلمىستىق-اتقارۋ جۇيەسى مەكەمەلەرىندە جازاسىن وتەۋمەن 10 جىلعا باس بوستاندىعىنان ايىرىلدى.
