شىمكەنت قالاسىنىڭ قىلمىستىق ىستەر بويىنشا مامانداندىرىلعان سوتىندا توعۇس اۋىلىندا 9 جاسار قىزدى زورلاعان پەدوفيلگە ۇكىم شىقتى، دەپ حابارلايدى vera.kz.
20 جاستاعى سوتتالۋشى قر قىلمىستىق كودەكسىنىڭ ەكى بابى – "كامەلەتتىك جاسقا تولماعان بالانى زورلاۋ" جانە "كامەلەتتىك جاسقا تولماعان بالاعا سەكسۋالدى سيپاتتاعى زورلىق-زومبىلىق جاساۋ" بويىنشا ايىپتى دەپ تانىلدى. ول 18 جىلعا باس بوستاندىعىنان ايىرىلىپ، جازاسىن قاۋىپسىزدىك دەڭگەيى ەڭ جوعارى كولونيادا وتەيدى.
سوتتالۋشىعا بۇل جازاسى مەملەكەتتىك ايىپتاۋشى سۇراعان. جابىرلەنۋشى تاراپ بۇل شەشىممەن كەلىسپەيدى. ادۆوكات ايمان ۋماروۆانىڭ ايتۋىنشا، 18 جىل – 9 جاسار قىزدى زورلاپ، كەيىن سەكسۋالدى سيپاتتاعى ارەكەت جاساعان ادامعا تىم جەڭىل جازا.
"مەن ۇكىممەن كەلىسپەيمىن. ول كىشكەنتاي بالانى اسقان قاتىگەزدىكپەن زورلادى، ونىمەن قويماي سەكسۋالدىق سيپاتتاعى ارەكەتتەر دە جاساعان. مۇنداي قىلمىستىڭ ءبىرى ءۇشىن سونشا جىل بەرىلەتىنىن بىلەسىزدەر مە؟ ال ول ەكى قىلمىس ءۇشىن 18 جىلعا سوتتالىپ وتىر. ءبىز جازاعا قاتىستى سوت شەشىمىنە شاعىم تۇسىرەمىز. قالعانى ادىلەتتى بولدى دەپ سانايمىن", - دەدى ايمان ۋماروۆا سوت ۇكىمى شىققان سوڭ.
ايتا كەتسەك، قىلمىس بيىل قاڭتار ايىنىڭ باسىندا بولعان. بىرنەشە كۇننەن سوڭ بەلگىسىز ەر ادامنىڭ توعۇس اۋىلىندا 9 جاسار وقۋشى قىزدى زورلاعانى تۋرالى بەلگىلى بولدى. قىز بالا كانيكۋل كەزىندە مەكتەپتەگى جاتتىعۋدان قايتىپ كەلە جاتقان. ۇيىنە وتىز مەتر قالعاندا جاس جىگىت جولىعىپتى. ول قىزدى تەمىر جول ماڭىنداعى قاراۋسىز جاتقان ۇيگە سۇيرەپ اپارىپ، زورلاپ تاستايدى. وسىنىڭ ءبارى سوتقا دەيىنگى تەرگەۋ كەزىندە راستالدى، دەيدى ادۆوكات.
"بالاعا ەكى رەت زورلىق جاسالعان: زورلاۋ جانە سەكسۋالدى سيپاتتاعى زورلىق. ەكەۋى دە بولعان، سەبەبى ساۋساقپەن جاساۋ ءبىر بولەك تە، ال مىناۋ ءبىر بولەك. وتە كوپ جاراقات الدى. بايعۇس قىز ءالى دارىگەرگە قارالىپ ءجۇر", - دەيدى ايمان ۋماروۆا.
بالا سوت تەرگەۋىنە قاتىسقان جوق. 9 جاسار قىز ءالى ءوز-وزىنە كەلە الماي ءجۇر ەكەن. كوشەگە شىعۋعا قورقادى، اينالاسىنا ۇرەيمەن قاراپ، كەز كەلگەن جاندى جاۋ دەپ سانايدى. ادۆوكاتتىڭ ايتۋىنشا، بالانى ەمدەۋگە ۇزاق ۋاقىت كەرەك.
"سوتتالۋشى باستاپقىدا كىناسىن مويىنداعان. كەيىن جارتىلاي مويىندايتىنىن ايتتى. ول ۇكىمدى جۇمسارتۋ ءۇشىن عانا مويىنداپ وتىر. ايتپەسە، جاساعان ىسىنە وكىنگەنىن كورگەن جوقپىن. ول قىزدى شىنىمەن زورلادى. بۇل - تولىق دالەلدەنگەن قىلمىستىق ءىس", - دەيدى ايمان ۋماروۆا.
ەكى تاراپتا سوت شەشىمىنە شاعىم تۇسىرمەك.
Sputnik.
