Pedfil qiianat jasaǧan oquşy qyz älı öz-özıne kele almai jür. Köşege şyǧuǧa qorqady, ainalasyna üreimen qaraidy
Şymkent qalasynyŋ qylmystyq ıster boiynşa mamandandyrylǧan sotynda Toǧūs auylynda 9 jasar qyzdy zorlaǧan pedofilge ükım şyqty, dep habarlaidy vera.kz.
20 jastaǧy Sottaluşy QR Qylmystyq kodeksınıŋ ekı baby – "Kämelettık jasqa tolmaǧan balany zorlau" jäne "Kämelettık jasqa tolmaǧan balaǧa seksualdy sipattaǧy zorlyq-zombylyq jasau" boiynşa aiypty dep tanyldy. Ol 18 jylǧa bas bostandyǧynan aiyrylyp, jazasyn qauıpsızdık deŋgeiı eŋ joǧary koloniiada öteidı.
Sottaluşyǧa būl jazasy memlekettık aiyptauşy sūraǧan. Jäbırlenuşı tarap būl şeşımmen kelıspeidı. Advokat Aiman Umarovanyŋ aituynşa, 18 jyl – 9 jasar qyzdy zorlap, keiın seksualdy sipattaǧy äreket jasaǧan adamǧa tym jeŋıl jaza.
"Men ükımmen kelıspeimın. Ol kışkentai balany asqan qatygezdıkpen zorlady, onymen qoimai seksualdyq sipattaǧy äreketter de jasaǧan. Mūndai qylmystyŋ bırı üşın sonşa jyl berıletının bılesızder me? Al ol ekı qylmys üşın 18 jylǧa sottalyp otyr. Bız jazaǧa qatysty sot şeşımıne şaǧym tüsıremız. Qalǧany ädılettı boldy dep sanaimyn", - dedı Aiman Umarova sot ükımı şyqqan soŋ.
Aita ketsek, qylmys biyl qaŋtar aiynyŋ basynda bolǧan. Bırneşe künnen soŋ belgısız er adamnyŋ Toǧūs auylynda 9 jasar oquşy qyzdy zorlaǧany turaly belgılı boldy. Qyz bala kanikul kezınde mekteptegı jattyǧudan qaityp kele jatqan. Üiıne otyz metr qalǧanda jas jıgıt jolyǧypty. Ol qyzdy temır jol maŋyndaǧy qarausyz jatqan üige süirep aparyp, zorlap tastaidy. Osynyŋ bärı sotqa deiıngı tergeu kezınde rastaldy, deidı advokat. "Balaǧa ekı ret zorlyq jasalǧan: zorlau jäne seksualdy sipattaǧy zorlyq. Ekeuı de bolǧan, sebebı sausaqpen jasau bır bölek te, al mynau bır bölek. Öte köp jaraqat aldy. Baiǧūs qyz älı därıgerge qaralyp jür", - deidı Aiman Umarova. Bala sot tergeuıne qatysqan joq. 9 jasar qyz älı öz-özıne kele almai jür eken. Köşege şyǧuǧa qorqady, ainalasyna üreimen qarap, kez kelgen jandy jau dep sanaidy. Advokattyŋ aituynşa, balany emdeuge ūzaq uaqyt kerek. "Sottaluşy bastapqyda kınäsın moiyndaǧan. Keiın jartylai moiyndaitynyn aitty. Ol ükımdı jūmsartu üşın ǧana moiyndap otyr. Äitpese, jasaǧan ısıne ökıngenın körgen joqpyn. Ol qyzdy şynymen zorlady. Būl - tolyq däleldengen qylmystyq ıs", - deidı Aiman Umarova. Ekı tarapta sot şeşımıne şaǧym tüsırmek.Sputnik.
