بۇعان وبلىس اكىمى مارات سۇلتانعازيەۆ اپپاراتتىق كەڭەس بارىسىندا نازار اۋداردى. بۇگىنگى تاڭدا اگرارشىلار بولىنگەن 3,7 توننا وتىننىڭ 1,1 تونناسىن پايدالانعان، بۇل 30% قۇرايدى.
اۋىل شارۋاشىلىعى تاۋارىن وندىرۋشىلەردى قولداۋ ماقساتىندا مەملەكەت نارىقتىق 290 تەڭگەنىڭ ورنىنا ليترىنە 250 تەڭگە باعاسىمەن ارزانداتىلعان ديزەل وتىنىن ساتۋدا.
الماتى وبلىسىنىڭ اۋىل شارۋاشىلىعى تاۋارىن وندىرۋشىلەرى gosagro.kz پورتالى ارقىلى وسى جىلدىڭ جازىندا 3,7 توننا ديزەلدىك وتىنعا ءوتىنىش بەرگەن. ەنەرگەتيكا مينيسترلىگى سۇراتىلعان كولەمدى ۋاقتىلى جەتكىزۋدى قامتاماسىز ەتەدى. بىراق بۇگىندە شارۋالاردىڭ كوبىسى بولىنگەن وتىندى الۋعا اسىقپايدى. ەڭبەكشىقازاق اۋدانىنىڭ اۋىل شارۋاشىلىعى قۇرىلىمدارى عانا ججم-ءنىڭ 53% - ىن پايدالاندى. ال، قالعان اۋداندار جارتىسىنا دا جەتكەن جوق.
ءوڭىر باسشىسى مارات سۇلتانعازيەۆ اۋدان اكىمدەرىنە شارۋا قوجالىقتارىنىڭ باسشىلارىمەن ماسەلەنى شەشۋدى جانە بولىنگەن ليميتتەردىڭ تولىق يگەرىلۋىن قامتاماسىز ەتۋدى تاپسىردى.
