الماتىدا اتى اڭىزعا اينالعان بالالار مەن جاسوسپىرىمدەر تەاترىنىڭ نەگىزىن قالاۋشى ناتاليا ساتستىڭ 120 جىلدىعىنا ارنالعان مەموريالدى تاقتا اشىلدى

1294
Adyrna.kz Telegram
https://adyrna.kz/content/uploads/2023/09/snimok-veb-straniczy_19-9-2023_181444_www.gov_.kz_.jpeg
الماتىدا قالا كۇنىن مەرەكەلەۋ اياسىندا جانە بالالار مەن جاسوسپىرىمدەر تەاترىنىڭ نەگىزىن قالاۋشى ناتاليا ساتستىڭ 120 جىلدىعىنا  وراي   وعان ارنالعان مەمەوريالدى ەسكەرتكىش تاقتانىڭ سالتاناتتى اشىلۋ ءراسىمى ءوتتى.  كسرو حالىق ءارتىسى ناتاليا يلينيچنا بالالار تەاترىنا ءومىرىنىڭ 13 جىلىن ارنادى جانە 100-دەن استام سپەكتاكل قويدى. ن.ساتس اتىنداعى بالالار مەن جاسوسپىرىمدەرگە ارنالعان تەاتر عيماراتىنىڭ جانىنداعى مەموريالدىق تاقتانىڭ سالتاناتتى اشىلۋىنا قازاقستاننىڭ ەڭبەك سىڭىرگەن ارتىستەرى تاتيانا تارسكايا، ۆالەريا كرىمسكايا، اتى اڭىزعا اينالعان تەاتردىڭ داڭقتى ترۋپپاسى جانە «Sats ComUnity» بالالار تەاتر ستۋدياسىنىڭ تاربيەلەنۋشىلەرى، الماتى قالاسى مادەنيەت باسقارماسىنىڭ باسشىسى  عاني مايلىباەۆ جانە ت. ب. قاتىستى. ارتىستەردىڭ ايتۋىنشا، الماتىداعى جاس كورەرمەن تەاترى 1945 جىلى اشىلدى، تەاتر ۇجىم بۇگىنگى كۇنگە دەيىن  قالىپتاسقان  مادەني داستۇرلەردى ۇستانۋدا. سارقىلماس ەنەرگيانىڭ، ەرىك-جىگەردىڭ جانە ونەرگە دەگەن سۇيىسپەنشىلىكتىڭ ارقاسىندا ناتاليا ساتس سوعىس  كەزىندە بالالارعا ارنالعان العاشقى تەاتردى اشقان ەدى. «1945 جىلدان بەرى ەل مەن قالا العاش رەت ۇلى ناتاليا ساتسقا قۇرمەت كورسەتتى. ارينە، تەاتردىڭ نەگىزىن قالاۋشى، كورنەكتى رەجيسسەر  ەرەن ەڭبەگى ءوز جەمىسىن بەرۋدە. بۇل ءومىر اعاشىنىڭ كۇشتى، بەرىك تامىرى بار جانە ول ءار كوكتەمدە گۇلدەپ، بارلىق كورەرمەندەرگە، قازاقستاندىقتارعا جانە ەلىمىزدىڭ قوناقتارىنا اكتەرلەرىمىزدىڭ ويىنىنان ۇمىتىلماس اسەر قالدىرادى»، - دەدى ناتاليا ساتس اتىنداعى بالالار مەن جاسوسپىرىمدەرگە ارنالعان مەملەكەتتىك اكادەميالىق ورىس تەاترى ديرەكتورىنىڭ مىندەتىن اتقارۋشى ولەگ گوستەۆ. مەموريالدى تاقتا شالياپين كوشەسى، 22 (.التىنسارين كوشەسىنىڭ بۇرىشى),  ن. ساتس اتىنداعى بالالار مەن جاسوسپىرىمدەرگە ارنالعان تەاتر اۋماعىنا ورنالاستىرىلدى.
پىكىرلەر