Almatyda aty aŋyzǧa ainalǧan balalar men jasöspırımder teatrynyŋ negızın qalauşy Natalia Sastyŋ 120 jyldyǧyna arnalǧan memorialdy taqta aşyldy

Almatyda Qala künın merekeleu aiasynda jäne balalar men jasöspırımder teatrynyŋ negızın qalauşy Natalia Sastyŋ 120 jyldyǧyna  orai   oǧan arnalǧan memeorialdy eskertkış taqtanyŋ saltanatty aşylu räsımı öttı.  KSRO Halyq ärtısı Natalia İlinichna balalar teatryna ömırınıŋ 13 jylyn arnady jäne 100-den astam spektakl qoidy. N.Sas atyndaǧy balalar men jasöspırımderge arnalǧan teatr ǧimaratynyŋ janyndaǧy memorialdyq taqtanyŋ saltanatty aşyluyna Qazaqstannyŋ eŋbek sıŋırgen ärtısterı Tatiana Tarskaia, Valeriia Krymskaia, aty aŋyzǧa ainalǧan teatrdyŋ daŋqty truppasy jäne «Sats ComUnity» balalar teatr studiiasynyŋ tärbielenuşılerı, Almaty qalasy mädeniet basqarmasynyŋ basşysy  Ǧani Mailybaev jäne t. b. qatysty. Ärtısterdıŋ aituynşa, Almatydaǧy jas körermen teatry 1945 jyly aşyldy, teatr ūjym bügıngı künge deiın  qalyptasqan  mädeni dästürlerdı ūstanuda. Sarqylmas energiianyŋ, erık-jıgerdıŋ jäne önerge degen süiıspenşılıktıŋ arqasynda Natalia Sas soǧys  kezınde balalarǧa arnalǧan alǧaşqy teatrdy aşqan edı. «1945 jyldan berı el men qala alǧaş ret ūly Natalia Sasqa qūrmet körsettı. Ärine, teatrdyŋ negızın qalauşy, körnektı rejisser  eren eŋbegı öz jemısın berude. Būl ömır aǧaşynyŋ küştı, berık tamyry bar jäne ol är köktemde güldep, barlyq körermenderge, qazaqstandyqtarǧa jäne elımızdıŋ qonaqtaryna akterlerımızdıŋ oiynynan ūmytylmas äser qaldyrady», - dedı Nataliia Sas atyndaǧy balalar men jasöspırımderge arnalǧan memlekettık akademiialyq orys teatry direktorynyŋ mındetın atqaruşy Oleg Gostev. Memorialdy taqta Şaliapin köşesı, 22 (.Altynsarin köşesınıŋ būryşy),  N. Sas atyndaǧy balalar men jasöspırımderge arnalǧan teatr aumaǧyna ornalastyryldy.