شاحتينسك قالاسىنىڭ شەتىندەگى بىرقاتار كوشەلەردىڭ كەڭەستىك اتاۋلارى قازاقشاعا وزگەرتىلدى، دەپ حابارلايدى “ادىرنا” ۇلتتىق پورتالى قازتاگ اگەنتتىگىنە سىلتەپ.
اتاپ ايتقاندا، جەرگىلىكتى اكىمدىك قاراعاندى وبلىسى شاحتينسك قالاسىنداعى شاحان اۋىلىنىڭ كەلەسى قۇرامداس بولىكتەرىن قايتا اتاۋ تۋرالى شەشىم قابىلدادى:
1) دوبروۆولسكي كوشەسى – كەنەسارى قاسىمۇلى كوشەسىنە;
2) سپورتيۆنايا كوشەسى – تۇران كوشەسىنە;
3) سۋۆوروۆ كوشەسى – ءادىل نۇركەنوۆ كوشەسىنە;
4) سۆەردلوۆ كوشەسى – گۇلدەر كوشەسىنە;
5) ۆيشنەۆايا كوشەسى – شيەلى كوشەسىنە;
6) سترويتەلەي جانە سترويتەلنايا كوشەلەرى – باۋىرجان مومىشۇلى كوشەسىنە;
7) ەسكى شاحان، سوۆحوزنايا، ورتالىق، اباي كوشەلەرى – ءمانجى باتىر كوشەسىنە.
شەشىم زاڭدى كۇشىنە ەندى.
ۇقساس جاڭالىقتار
