«امانات» پارتياسىنان سايلانعان ءماجىلىس دەپۋتاتى رينات زايىتوۆتىڭ قازاقستان مۇسىلماندارى تۋرالى وتىرىگى ارازدىقتى قوزدىرادى، دەپ سانايدى ايتىسكەر بالعىنبەك يماشەۆ. بۇل تۋرالى ول الەۋمەتتىك جەلىدەگى پاراقشاسىندا جازدى، دەپ حابارلايدى “ادىرنا.
«اماناتقا قارسى بولعانىعدا دا، وسى پارتيانىڭ اۋزى دۋالى بولعانىندا دا قولدادىق. ءوز باسىم وسى ۋاقىتقا دەيىن قاجەتسىز سوزدەر ايتىپ، جالا جاۋىپ، داۋلى پىكىرلەر ايتقانىڭا ۇندەمەي كەلدىم. دەگەنمەن، قازىرگى رەزونانستى مالىمدەمەڭىڭە بايلانىستى مەن اشىق ايتۋىم كەرەك. اقپاراتتىق شابۋىلعا ۇشىراعانىڭدى ەستىپ، باۋىرىمدى قورعايىن دەپ، الەۋمەتتىك جەلىگە كىرسەم: «الاياقتاردىڭ 80 پايىزى نامازحاندار قاۋىمى. وتىرىك بولسا، بەتىمە ايتسىن” دەپ ايدى اسپانعا شىعارىپسىز. قۇداي-اۋ، بۇل «ستاتيستيكا» قايدان شىققان؟ نە دەگەن اريفمەتيكا؟! بۇل بازارعا بارىپ، مايدىڭ باعاسىن بىلە سالاتىن جۇنيە ەمەس قوي”، - دەدى بالعىنبەك يماش.
ودان بولەك، اقىن جالعان ستاتيستيكانى ايتىپ، حالىقتى جاڭىلىستىرۋعا جول بەرىلمەيتىنىن اتاپ ءوتتى.
«بارلىق مۇسىلماندارعا جالا جاۋىپ، كەيىن ولار قۋدالاپ جاتىر دەپ ايتا باستاعانىڭدى قالاي تۇسىنۋگە بولادى؟ بۇل ەركەكتىك ارەكەت پە؟ ياعني، سەن قالاعانىڭدى ايتا الاسىڭ، قالاعانىڭدى عايباتتاي الاسىڭ، بىراق سەنىمەن داۋلاسۋعا بولمايدى ەكەن؟». – دەدى ايتىسكەر دەپۋتاتقا.
يماشەۆ زايىتوۆتى قورقاق قويانعا تەڭەدى.
«قورىقپايمىن» دەپ جازعان جازباڭنىڭ ارتىندا حالىقتىڭ ارتىنا تىعىلماق بولعان قورقاق قوياندى كورىپ تۇرمىن. مۇسىلمانداردان قورىقپا، ولار ساعان زيان تيگىزبەيدى، ولاردىڭ دۇعا ەتكەنىنەن – اللادان قورقۋ كەرەك. ايتىستا ەموتسيانىڭ جەتەگىندە ءان ايتاتىن ولەڭ جولدارىڭا رەنجىمەيمىز، بىراق ءماجىلىس دەپۋتاتى رەتىندە ايتىپ وتىرعان راستالماعان، دالەلدەنبەگەن مالىمەتتەرگە قارسىمىز»، - دەدى يماشەۆ.
سونداي-اق، ول رينات زايىتوۆقا ارناپ ولەڭ شىعاردى.
