«Amanat» partiiasynan sailanǧan Mäjılıs deputaty Rinat Zaiytovtyŋ Qazaqstan mūsylmandary turaly ötırıgı arazdyqty qozdyrady, dep sanaidy aitysker Balǧynbek İmaşev. Būl turaly ol äleumettık jelıdegı paraqşasynda jazdy, dep habarlaidy “Adyrna.
«Amanatqa qarsy bolǧanyǧda da, osy partiianyŋ auzy dualy bolǧanynda da qoldadyq. Öz basym osy uaqytqa deiın qajetsız sözder aityp, jala jauyp, dauly pıkırler aitqanyŋa ündemei keldım. Degenmen, qazırgı rezonansty mälımdemeŋıŋe bailanysty men aşyq aituym kerek. Aqparattyq şabuylǧa ūşyraǧanyŋdy estıp, bauyrymdy qorǧaiyn dep, äleumettık jelıge kırsem: «Alaiaqtardyŋ 80 paiyzy namazhandar qauymy. Ötırık bolsa, betıme aitsyn” dep aidy aspanǧa şyǧarypsyz. Qūdai-au, būl «statistika» qaidan şyqqan? Ne degen arifmetika?! Būl bazarǧa baryp, maidyŋ baǧasyn bıle salatyn jünie emes qoi”, - dedı Balǧynbek İmaş.
Odan bölek, aqyn jalǧan statistikany aityp, halyqty jaŋylystyruǧa jol berılmeitının atap öttı.
«Barlyq mūsylmandarǧa jala jauyp, keiın olar qudalap jatyr dep aita bastaǧanyŋdy qalai tüsınuge bolady? Būl erkektık äreket pe? Iаǧni, sen qalaǧanyŋdy aita alasyŋ, qalaǧanyŋdy ǧaibattai alasyŋ, bıraq senımen daulasuǧa bolmaidy eken?». – dedı aitysker deputatqa.
İmaşev Zaiytovty qorqaq qoianǧa teŋedı.
«Qoryqpaimyn» dep jazǧan jazbaŋnyŋ artynda halyqtyŋ artyna tyǧylmaq bolǧan qorqaq qoiandy körıp tūrmyn. Mūsylmandardan qoryqpa, olar saǧan ziian tigızbeidı, olardyŋ dūǧa etkenınen – Alladan qorqu kerek. Aitysta emosiianyŋ jetegınde än aitatyn öleŋ joldaryŋa renjımeimız, bıraq mäjılıs deputaty retınde aityp otyrǧan rastalmaǧan, däleldenbegen mälımetterge qarsymyz», - dedı İmaşev.
Sondai-aq, ol Rinat Zaiytovqa arnap öleŋ şyǧardy.
