Pavlodar qalasynda 1-shi synyp oqýshylaryna boqaýyz sóz aıtyp, mektep aýlasynan alyp ketpek bolǵan er adam sottaldy, dep habarlaıdy "Adyrna" tilshisi.
Bul oqıǵa 14 qyrkúıek kúni qaladaǵy Kenjekól orta mektebiniń aýlasynda bolǵan.
Pavlodar qalalyq Ákimshilik quqyqbuzýshylyqtar jónindegi mamandandyrylǵan sotynda kúdikti óz kinásin tolyq moıyndaǵany aıtyldy. Onyń teris áreketi ýchaskelik polıııa qyzmetkeri men kýágerlerdiń aıǵaqtarymen dáleldengen. Bul týraly resmı habarlamada:
"Sot ony Ákimshilik quqyqbuzýshylyq týraly kodekstiń 434-baby 1-bóligimen kináli dep tanyp, 10 táýlikke ákimshilik qamaýǵa alyndy", - dep jazylǵan.
Alaıda sot úkimi zańdy kúshine engen joq.
Eske sala keteıik, buǵan deıin áleýmettik jelide Kenjekól mektebinde mas er adamnyń 1-synyptyń eki oqýshysyn alyp ketýge tyrysqany týraly aqparat taraǵan edi. Jábirlenýshi balalardyń anasy oqıǵany vıdeoǵa túsirip, jelige jarııalaǵan.
Vıdeoda ata-ana oblys ákimi jáne bilim berý basqarmasynan mektepterge kúzet qoıýdy suraǵan bolatyn.
