وزبەكستاندا بالاباقشا قىزمەتكەرى ءوز كولىگىمەن بىردەن 25 بالانى تاسىمالداعان، دەپ حابارلايدى "ادىرنا".
جۇرگىزۋشى بۇحارا وبلىسىندا كوزگە تۇسكەن. بۇحارا وبلىسى ءىىب بدد ءباسپاسوز قىزمەتىندە بۇل جاعدايعا قاتىستى اقپاراتتىق حابارلاما جاريالاندى.
جول پوليتسياسىنىڭ قىزمەتكەرلەرى بۇحارا وبلىسىنىڭ گيۆدۋۆان اۋدانىندا وزدەرىنىڭ قىزمەتتىك مىندەتتەرىن ورىنداۋ بارىسىندا "Spark" ماركالى اۆتوكولىكتى توقتاتقان. ايەل ادام تىزگىندەگەن كولىكتىڭ سالونى مەن جۇك سالعىشىندا بالالار بولعان.
بەلگىلى بولعانداي جۇرگىزۋشى ازاماتشا جاقىن ماڭداعى جەكەمەنشىك بالاباقشالاردىڭ ءبىرىنىڭ تاربيەشىسى ەكەن. ءوز كولىگىمەن بالاباقشاداعى 25 بالانى تاسىمالدايتىنى بەلگىلى بولدى. بالالار ونىڭ الدىڭعى جانە ارتقى ورىندىقتارىمەن قاتار، جۇك سالعىشىندا دا بولعان.
ۇستالعان جۇرگىزۋشى ايەل بالالاردىڭ ۇيلەرى وتە جاقىن ەكەنىن جانە ءبىرىنشى رەت بالالاردى تاسىمالداپ جاتقانىن ايتقان.
قازىر بۇل وقيعا جەلىدە قىزۋ تالقىلانۋدا.
