“حابار” اگەنتتىگى اكتسيونەرلىك قوعامىنىڭ باسقارما توراعاسىنىڭ مىندەتىن كەمەلبەك ويشىباەۆ اتقارادى. بۇل تۋرالى ول ءوزىنىڭ Facebook پاراقشاسىندا جازدى، دەپ حابارلايدى “ادىرنا” ۇلتتىق پورتالى.
“بۇگىننەن باستاپ “حابار” اگەنتتىگى اكتسيونەرلىك قوعامىنىڭ باسقارما توراعاسىنىڭ مىندەتىن اتقارۋعا كىرىستىم.
باستى ماقساتىمىز اگەنتتىكتىن “حابار”، “حابار 24”، “ەل ارنا” ارنالارىنىڭ تەلەومەنىمدەرىن دامىتىپ، حالىققا كەرەكتى، قىزىقتى جاساۋ. جاستارىمىزدى تاربيەلەۋ، اعارتۋشىلىقپەن دۇرىس جولعا سالۋ باعىتىندا ناتيجەلى بولۋىمىز ءۇشىن ينتەرنەت جەلىلەرىندە ارنالاردى كونكۋرەنتتى تۇردە، قارقىندى، دامىتۋىمىز كەرەك.
وسى ماقساتتارعا اگەنتتىكتىڭ كومانداسىمەن بىرگە جەتۋ ءۇشىن بار كۇش قۋاتىمدى، تاجىريبەمدى جانە ءبىلىمىمدى جۇمساۋعا دايىنمىن.
مەملەكەتىمىزدىڭ باسشىلىعىنا، ءتول ءمينيسترىمىز بالاەۆا ايدا عالىمقىزىنا سەنىم بىلدىرگەندەرى ءۇشىن العىسىمدى بىلدىرەمىن”، دەپ جازدى ول.
