قازىرگى زامان – ءبىلىم مەن تەحنولوگيانىڭ توعىسقان تۇسى. اقپاراتتىق تەحنولوگيالار قارىشتاپ دامىپ، جاساندى ينتەللەكت ءومىرىمىزدىڭ اجىراماس بولىگىنە اينالدى.
دۇنيەجۇزىندە ەكونوميكانىڭ جاڭا باعىتى رەتىندە كرەاتيۆتى يندۋسترياعا باسىمدىق بەرىلىپ وتىرعانى تەگىن ەمەس. وسىنداي كەزەڭدە ۇلتتىق تسيفرلىق كونتەنتتى دامىتۋ – تەك مادەني قاجەتتىلىك قانا ەمەس، ەلدىڭ اقپاراتتىق قاۋىپسىزدىگى مەن دەربەستىگىن قامتاماسىز ەتەتىن ستراتەگيالىق مىندەت.
پرەزيدەنت قاسىم-جومارت توقاەۆ: «زاماناۋي سىن-قاتەرلەر ەكونوميكانى وركەندەتۋدە جاڭا تاسىلدەرگە جۇگىنۋدى تالاپ ەتەدى. بۇل رەتتە تسيفرلىق تەحنولوگيالار ماڭىزدى ءرول اتقارادى. جالپى، تسيفرلاندىرۋ مەن جاساندى ينتەللەكت ءبىزدىڭ مەملەكەتتىك ساياساتىمىزدىڭ باسىم باعىتىنىڭ ءبىرى» دەپ اتاپ وتكەن بولاتىن.
شىنىندا دا، الەمدىك تەحنولوگيالىق ۇدەرىستەردەن قالىپ قويماۋ – ۇلكەن جاۋاپكەرشىلىك پەن باتىل قادامداردى تالاپ ەتەدى. وسى باعىتتاعى ءىرى جوبالاردىڭ ءبىر پاراسى ۇلتتىق تەلەكوممۋنيكاتسيا وپەراتورى – «قازاقتەلەكوم» كومپانياسىنىڭ ەنشىسىندە. اتالعان وپەراتور وتاندىق تسيفرلىق پلاتفورمالاردى دامىتۋ، قازاقشا كونتەنتتىڭ ۇلەسىن ارتتىرۋ، ءبىلىم بەرۋ پلاتفورمالارى ارقىلى قالا مەن اۋىل اراسىنداعى الشاقتىقتى ازايتۋ سەكىلدى اۋقىمدى باستامالاردى قولعا الىپ وتىر.
ۇلتتىق IT-شەشىمدەردى وركەندەتۋ جانە قازاقستاندىق كونتەنتتى قولداۋ – مەملەكەتتىك دەڭگەيدەگى ماڭىزدى مىندەت. بۇل باعىتتاعى ءىرى جوبالاردىڭ ءبىرى – TV+ پلاتفورماسى. ول جۇزدەگەن تەلەارنانى، سونىڭ ىشىندە سپورتتىق، تاقىرىپتىق جانە ءبىلىم بەرۋ ارنالارى مەن VoD كونتەنتىن بىرىكتىرىپ وتىر. كومپانيا وكىلدەرىنىڭ ايتۋىنشا، TV+ جوباسى مەملەكەت باسشىسى اتاپ وتكەن تسيفرلاندىرۋ جانە تەحنولوگيالىق دامۋ ستراتەگياسى اياسىندا جۇزەگە اسۋدا. جوبانىڭ باستى ماقساتى – حالىققا وتاندىق تەلەارنالارعا، مادەني جانە ءبىلىم بەرۋ باعدارلامالارىنا جوعارى ساپادا قول جەتكىزۋدى قامتاماسىز ەتۋ، سونىمەن بىرگە جاڭا جۇمىس ورىندارىن اشۋ.
TV+ ارتىقشىلىقتارىنىڭ قاتارىندا بارلىق قۇرىلعىلارعا بەيىمدەلگەن ينتەرفەيس، قازاق جانە ورىس تىلدەرىندەگى كوپتىلدى كونتەنت، ينتەراكتيۆتى مۇمكىندىكتەر مەن اتا-انا باقىلاۋى بار.
كرەاتيۆتى يندۋسترياداعى باستى باعىتتاردىڭ ءبىرى – قازاق تىلىندەگى ساپالى دۋبلياج ءوندىرىسى. فيلمدەر مەن مۋلتفيلمدەردىڭ، تەلەسەريالدار مەن انيماتسيالىق جوبالاردىڭ قازاقشا سويلەۋى – ۇلتتىق قۇندىلىقتاردى زاماناۋي فورمادا جەتكىزۋدىڭ ءتيىمدى تەتىگى. بۇل قادام شەتەلدىك تۋىندىلاردى جەرگىلىكتى كورەرمەنگە «ۇلتتىق كوزقاراس پريزماسى» ارقىلى ۇسىنۋعا جول اشادى.
TV+ وسى باعىتتا ايتارلىقتاي ناتيجەگە قول جەتكىزدى. بۇگىندە پلاتفورمادا قازاق تىلىندە دۋبلياجدالعان مۋلتفيلمدەر مەن فيلمدەردىڭ سانى ارتىپ كەلەدى. اسىرەسە، Walt Disney ستۋدياسىنىڭ فيلمدەرى قازاق تىلىنە اۋدارىلىپ، قوسىمشا اقىسىز كورەرمەنگە ۇسىنىلۋى – قازاقتىلدى كورەرمەن ءۇشىن ۇلكەن ولجا. قازىرگى تاڭدا Disney-ءدىڭ 60 ءفيلمى قازاقشا كورسەتىلسە، جىل سوڭىنا دەيىن بۇل كورسەتكىش 87-گە جەتپەك.
بۇل تەك مادەني شارا عانا ەمەس، يدەولوگيالىق ماڭىزى زور قادام. بۇگىنگى بالالار «ارىستان پاتشانى» قازاقشا كورىپ وسسە، ەرتەڭ ءوز ءتىلىن تابيعي بولمىستا قابىلدايدى. TV+ وكىلدەرىنىڭ سوزىمەن ايتقاندا: ء«بىز فيلم عانا كورسەتپەيمىز، ءبىز ارماندار مەن قۇندىلىقتارعا جول اشامىز. ءار بالا ءوز ءتىلىنىڭ، ءوز داۋىسىنىڭ، ءوز بولاشاعىنىڭ ماڭىزىن سەزىنۋى كەرەك».
پلاتفورما دەرەكتەرىنە سۇيەنسەك، بيىلعى ەڭ كوپ قارالعان توپ 100 تۋىندىنىڭ 44-ءى قازاق تىلىندە، ولاردىڭ جالپى قارالىمى 416 مىڭنان اسقان. بۇل قازاق تىلىندەگى كونتەنتكە سۇرانىستىڭ ارتىپ كەلە جاتقانىن ايقىن دالەلدەيدى.
مەملەكەت باسشىسى كۇنى كەشەگى جولداۋىندا: «جاساندى ينتەللەكتىنى جاپپاي ەنگىزۋ جانە جاپپاي تسيفرلاندىرۋ ەلىمىزدىڭ بارلىق سالاداعى الەۋەتىن ەسەلەپ ارتتىرادى. ءبىزدىڭ ستراتەگيالىق باعدارىمىزدىڭ ەڭ باستى قىرى وسى بولۋعا ءتيىس» دەپ اتاپ ءوتتى. دەمەك، TV+ سياقتى جوبالار وسى ساياساتتىڭ ناقتى كورىنىسى، جاڭا قازاقستاننىڭ تسيفرلىق كەلبەتىنىڭ ايقىن مىسالى.
تسيفرلىق داۋىردە ءتىلدىڭ دامۋى ەكران مەن مەديا كەڭىستىكتەگى ىقپال-اسەرىمەن ولشەنەدى. قازاق تىلىندەگى ساپالى كونتەنتتىڭ كوبەيۋى – ۇرپاقتىڭ انا ءتىلىن قۇرمەتتەپ قانا قويماي، ونى كۇندەلىكتى ءومىرىنىڭ اجىراماس بولىگىنە اينالدىرۋىنىڭ كەپىلى. دەمەك، قازاقشا كونتەنت بولاشاقتىڭ عانا ەمەس، بۇگىنگى كۇننىڭ دە باستى تالابى بولۋى ءتيىس.
