Qorǧanys ministrlıgı qaru-jaraq pen äskeri tehnika satyp alu kezınde sybailas jemqorlyq täuekelderı boluy mümkın emes ekenın aitty. Vedomsta otandyq äskeri tehnikaǧa qatysty synǧa jauap berdı, dep habarlaidy ”Adyrna” ūlttyq portaly.
Qorǧanys ministrlıgınde qaru-jaraq pen äskeri tehnika satyp alu kezınde sybailas jemqorlyq täuekelderı boluy mümkın emes. Memlekettık qorǧanystyq tapsyrysty oryndauşyny taŋdau konkurs ötkızu arqyly jüzege asyrylady. Konkursty tıkelei ötkızudı Önerkäsıp jäne qūrylys ministrlıgınıŋ MQT komitetı (būdan ärı – ÖQM, uäkılettı organ) jüzege asyrady. Oryndauşyny taŋdaudy Komissiia jürgızedı, onyŋ qūramy men jūmys tärtıbın uäkılettı organ aiqyndaidy,- dedı ministrlık.
Sondai-aq, konkurs äskeri maqsattaǧy tauarlardy (önımderdı), qos maqsattaǧy (qoldanylatyn) tauarlardy (önımderdı) otandyq öndıruşılerdıŋ jäne memlekettık qorǧanys tapsyrysynyŋ äskeri maqsattaǧy jūmystar men äskeri maqsattaǧy körsetıletın qyzmetterdı otandyq jetkızuşılerdıŋ tızılımıne engızılgen ūiymdar qatarynan ötkızedı.
Komissiia qūramyna qyzmet baǧyty boiynşa arnaiy bılımı bar Memlekettık qorǧanystyq tapsyrys komietı men Qorǧanys ministrlıgınıŋ ökılderı kıredı. Şeşım komissiialyq türde qabyldanady. Käsıporyndar ūsynǧan ūsynystar tehnikalyq erekşelıktermen aiqyndalǧan parametrler men şarttarǧa säikes kelgen jaǧdaida şeşım eŋ tömen baǧany ūsynǧan käsıporynǧa qatysty qarapaiym köpşılık dauyspen qabyldanǧan bolyp esepteledı, delıngen vedomstva jauabynda.
Al qorǧanys ministrlıgı tehnikalyq erekşelıkterdı äzırleidı, önımderdı (qyzmetterdı) jetkızu sany men merzımderın aiqyndaidy. Baǧany belgıleuge uäkılettı organ (ÖQM) jauap beredı.
Ministrlık «Qazaqstan äskerınıŋ qaru-jaraǧy men äskeri tehnikasynyŋ negızgı bölıgı reseilık (bırlesken) öndırısten şyqqan, Reseige salynǧan sanksiialar būryn jetkızılgen qaru-jaraq ülgılerın odan ärı paidalanuǧa qandai da bır äserı bar ma?» degen saualǧa arnaiy toqtalyp:Eŋ aldymen, engızılıp jatqan sanksiialar qaru-jaraq pen äskeri tehnika boiynşa keŋestık jäne reseilık öndırıstı odan ärı paidalanuǧa jol bermeuı mümkın. Öitkenı komponentter men qosalqy bölşekterdı jetkızu [Reseiden] ıs jüzınde toqtatyldy, – dep jauap beredı.Sonymen qatar, qaru-jaraq öndırısınıŋ özge joldaryn atap, Qytai nemese Ündıstan siiaqty qorǧanys önerkäsıbı keşenınıŋ özderınıŋ otandyq käsıporyndarynda qosalqy bölşekter men olardyŋ qūramdas bölıkterın öndırudı ūiymdastyru maŋyzdy ekenın mälımdedı: Ädette, reseilık qaru-jaraqty aluşy el mämılede satyp alynatyn qaru-jaraq pen äskeri tehnikany, onyŋ ışınde Qytai nemese Ündıstan siiaqty qorǧanys önerkäsıbı keşenınıŋ özderınıŋ otandyq käsıporyndarynda qosalqy bölşekter men olardyŋ qūramdas bölıkterın öndırudı ūiymdastyrudy qarastyrady. Odan özge Şyǧys Europa elderınde Varşava kelısımındegı, atap aitqanda Serbiia, Chehiia, Slovakiia jäne t.b. elderdıŋ qaru-jaraq pen oq-därılerdı öndıru jäne jaŋǧyrtu jalǧasuda.
Būl baǧytta qaru-jaraq naryǧyna monitoring ünemı jürgızılıp otyrady. Sonymen qatar, būl Qorǧanys ministrlıgı qoldau körsetetın, uäkılettı organnyŋ mındetı bolyp sanalady, – dedı ministrlık.Sonymen qatar, QPİ 2022 jyly jauyngerlık moduldı 10 BKM jetkızu toqtatylǧan, sondai-aq 2023 jyly osyndai 18 bırlıktı jetkızu de toqtatylmaq. «QPİ» kınäsı. 2022 jyly Qazaqstannyŋ Qorǧanys ministrı R. Jaqsylyqov Mäjılıs deputattarynyŋ sūrauyna jauap berıp, 2023 jyly QR QK qajettılıgı üşın «Arlan» BKM-nıŋ 20 bırlıgın jetkızu josparlanǧanyn mälımdegen edı. Ministrlık deregınşe, «QPİ» kınäsınen jauyngerlık modulsız keşennıŋ 2023 jyldyŋ soŋyna deiın alynady delıngen 20 BKM-nan tek 2 BKM qabyldanuy mümkın.
«Qalǧandary äskeri täjıribeden nätijelı ötken soŋ ǧana belgılengen tärtıppen qabyldanatyn bolady», delıngen habarlamada.Anyqtama retınde: 2023 jyly memlekettık qorǧanys tapsyrysy şeŋberınde «Arlan» BKM-nıŋ 20 bırlıgın (jauyngerlık modulmen 18 bırlık jäne jauyngerlık modulsız 2 bırlık) satyp alu josparlanǧan, şart boiynşa tapsyrysty oryndauşy «KPİ» JŞS bolyp tabylady. Osy uaqytqa deiın jetkızılmegen, jetkızu merzımı 2023 jylǧy 30 qaraşaǧa deiın. Soŋǧy 3 jyl ışınde Qazaqstan äskerıne otandyq jäne şetelden şyqqan brondy tehnika türlerınıŋ jetkızıluıne qatysty ministrlık mynadai aqparat bergen:
«2020-2022 jyldarda Qaruly Küşterge tek «Arlan» BKM-nyŋ (QPİ) 48 bırlıgı satyp alyndy, onyŋ ışınde 2020 jyly – 30 bırlık, 2021 jyly – 18 bırlık. 2022 jyly jauyngerlık moduldı 10 bırlık jaraq qūramyna qabyldanbady, äskeri täjıribede paidalanu ıske asyrylyp jatyr».
