امانحان الىمۇلىمەن كەزدەسۋ
"ادىرنا" ۇلتتىق-ەتنوگرافيالىق بىرلەستىگى الماتى قالاسى قوعامدىق دامۋ باسقارماسىنىڭ قولداۋىمەن م.ماقاتاەۆ اتىنداعى №140 مەكتەپ-گيمنازيادا اقىن، "اقيقات" جۋرنالىنىڭ باس رەداكتورى امانحان الىمۇلىمەن "مەملەكەتتىك رامىزدەر – مەنىڭ ماقتانىشىم" جوباسىندا كەزدەسۋ وتكىزدى.
بۇل كەزدەسۋ "ادىرنا" ەتنوگرافيالىق بىرلەستىگى ۇيىمداستىرىپ وتىرعان، مەكتەپ اراسىنداعى كەزدەسۋلەردىڭ ىشىندەگى، ەڭ شوقتىعى بيىك، وزگەلەردەن دارا كەزدەسۋ بولدى. ال شوقتىعى بيىك، دارا كەزدەسۋ بولۋىنا باستى سەبەپكەر بولعان، №140 مەكتەپ-گيمنازيانىڭ ۇجىمىمەن، مەكتەپ-گيمنازياسى ديرەكتورى سانيا وسكەنبايقىزى بولدى.
بۇل كەزدەسۋ ءىس-شاراسى امانحان ءالىمۇلىنىڭ ومىرلىك كەزەڭدەرىن قامتىعان ۆيدەو روليكتار كورسەتىلگەن، سىرلى ولەڭدەرىن وقۋشىلار وقىعان، شەبەرلەنگەن سپەكتاكل قويىلعان، كەزدەسۋدەگى كورەرمەندى ءتالىم تاربيەگە باۋلىعان رۋحاني كەش بولدى.
امانحان ءالىمۇلى مەكتەپ وقۋشىلارىنا ءتانتى بولىپ، مەكتەپ ديرەكتورى مەن ۇجىمىنا العىسىن ايتىپ، وقۋشىلارمەن ومىردەن تۇيگەنىمەن ءبولىسىپ، ءار وقۋشىنى جاقسى بولۋعا، جاقسىلىق جاساۋعا شاقىرىپ، بۇل ءومىردى بايلار مەن شەن-شەكپەندىلەر ۇستامايدى، بۇل ءومىردى جاقسىلىق جاسايتىندار ۇستايدى، جامان بولۋ وڭاي، جامان بولۋ ءۇشىن ءبىر ادامعا بالاعات ءسوز ايتىپ، نەمەسە ءتيىسىپ قالساڭ جەتەدى، ال ادامعا جاقسىلىق جاساۋ وڭاي ءىس ەمەس، بۇل جاقسىلىقتىڭ جولى اۋىر جول ەكەندىگىن ەسكەرتىپ، اۋىردا بولسا ابىرويلى ىسكە ارقالارىڭدى توسۋعا دايىن بولۋلارىن ايتىپ، مەكتەپ وقۋشىلارىنا ارناعان، ۇلاعاتتى ويى مەن جالىندى سوزبەن كەزدەسۋدى اياقتادى.
بەكزات بولاتۇلى فب پاراقشاسىنان
